Vilhelms söyüdü
Vilhelms söyüdü (lat. Salix wilhelmsiana) — bitkilər aləminin malpigiyaçiçəklilər dəstəsinin söyüdkimilər fəsiləsinin söyüd cinsinə aid bitki növü.
| Vilhelms söyüdü | ||||||||
|---|---|---|---|---|---|---|---|---|
| Elmi təsnifat | ||||||||
|
Domen: Klad: Ranqsız: Aləm: Klad: Klad: Klad: Klad: Klad: Klad: Klad: Klad: Klad: Klad: Klad: Dəstə: Fəsilə: Cins: Növ: Vilhelms söyüdü |
||||||||
| Beynəlxalq elmi adı | ||||||||
| ||||||||
Təbii yayılması
redaktəİlk dəfə Gürcüstanda təsvir edilmişdir. İranda, Çində, Tibet və Hindistanda bitir.
Botaniki təsviri
redaktəHündürlüyü 6-7 m-ə qədər olan kiçik ağac və ya koldur. Budaqları nazik, qonur və ya boz-qonurdur, cavan zoğları boz və tüklüdür. Yarpaqları ensiz хətvari və sivri, saplaqsız, 2-6 sm uzunluqda, 4-8 mm enindədir, təzə yarpaqları parlaq və yumşaqdır, sonralar demək olar ki, tamam çılpaqlaşır, kənarları bütövdür və ya хırda vəzili-mişardişlidir, hər iki tərəfi eyni rəngdədir. Tumurcuqları açıq-qonur rəngli, tüklü, ucu küt, 6 mm-ə qədər uzunluqdadır. Sırğaları qısa, 3 sm-ə qədər uzunluqda ayaqcıqlar üzərində olub, silindrşəkilli, nazikdir. Erkəkcikləri 2, saplaqları bir-birinə bitişmiş, tozluqları sarıdır. Çiçək ballığı 1 və ya 2-dir. Yumurtalığı və dişicik ağızcığı qısadır. May ayında çiçəkləyir.
Ekologiyası
redaktəİşıqsevən bitkidir. Orta dağ qurşağında, çay vadilərində geniş yayılmışdır.
Azərbaycanda yayılması
redaktəBöyük Qafqaz və Naxçıvan MR-da təbii halda rast gəlinir.
İstifadəsi
redaktəAbşeronda həyatyanı sahələrdə əkilir. Qabığından toхuculuq sənayesində parçaları sarı, qəhvəyi və qırmızı rəngə boyamaq üçün işlədilir. Oduncağı yumşaq və yüngüldür. Ondan dülgərlik və çilingərlik işində, ev əşyaları, və s. hazırlamaq üçün istifadə edilir. Yaşıllaşdırmada, bağlarda və parklarda göllərin ətrafında, хiyabanların yanlarında əkilir.
Yarımnövləri
redaktə- Salix wilhelmsiana var. latifolia Chang Y.Yang
- Salix wilhelmsiana var. leiocarpa Chang Y.Yang
- Salix wilhelmsiana var. wilhelmsiana