Avqur
Avqur (lat. augur; an avis – quş) — Qədim Romada keşiş və məmur. O, quşların uçuşu, ötməsi və ya qar-qar etməsi ilə gələcəyi proqnozlaşdırırdı – auspisiya ilə məşğul olurdu.
Tarixi redaktə
Qədim Romada açıq falçılıq yalnız avqurlar kollecinin üzvlərinə icazə verilirdi. O, birinci Roma çarı Romul tərəfindən himayə üçün təsis edilmişdir. Kahinlərin tutduqları vəzifə ömürlük idi. Əvvəlcə onların sayı 3 ilə məhdudlaşdı. Yuli Sezar onların sayını 16-ya çatdırmışdır. Onlara işarələr əsasında məmurlara və hərbi xadimlərə məsləhət vermək vəzifəsi qoyulmuşdu. Heç bir hərbi müəssisə və ya islahat avqurlara ilkin müraciət olmadan tamamlanmırdı. Eramızdan əvvəl IV əsrə qədər yalnız patrisilər avqur ola bilərdilər. Avqurlara mənsub olmaq zadəganlıq əlaməti hesab olunurdu, ona görə də kollecin bütün üzvlərinin proqnoz vermək qabiliyyəti yox idi. Kollecdə gerçəkləşən bütün proqnozların qeydlərinin aparıldığı xüsusi bir arxiv var idi.[1]
İstinadlar redaktə
- ↑ Телицын, В. Л.; Багдасарян, В. Э.; Орлов, И. Б., redaktorlar АВГУРЫ // Символы, знаки, эмблемы. Энциклопедия (rus). М.: ЛОКИД-ПРЕСС. 2005.
Əlavə ədəbiyyat redaktə
- Beard, M.; North, J.; Price, S. Religions of Rome: A History. Cambridge University Press. 1998.
- Brent, A. The imperial cult and the development of church order: Concepts and images of authority in paganism and early Christianity before the Age of Cyprian. Brill. 1999. ISBN 90-04-11420-3.
- Hornblower, Simon; Spawforth, Anthony. The Oxford Classical Dictionary (3). Oxford, UK.: Oxford University Press. 1996. s.v. augures.
Xarici keçidlər redaktə
