Xırda alma

Xırda alma (lat. Malus × micromalus) — bitkilər aləminin gülçiçəklilər dəstəsinin gülçiçəyikimilər fəsiləsinin alma cinsinə aid bitki növü.

Xırda alma
Elmi təsnifat
Domen: Eukariotlar Klad: Diaphoretickes Ranqsız: Arxeplastidlər Aləm: Bitkilər Klad: Streptofitlər Klad: Ali bitkilər Klad: Çoxsporlu bitkilər Klad: Borulu bitkilər Klad: Toxumlu bitkilər Klad: Çiçəkli bitkilər Klad: Evdikotlar Klad: Bazal evdikotlar Klad: Superrozidlər Klad: Rozidlər Klad: Fabidlər Dəstə: Gülçiçəklilər Fəsilə: Gülçiçəyikimilər Yarımfəsilə: Gavalıkimilər Triba: Maleae Yarımtriba: Malinae Cins: Alma Növ: Xırda alma
Beynəlxalq elmi adı
Malus ×micromalus
Şəkil axtarışı ITIS   503676 NCBI   147045

Təbii yayılması

Yaponiyada və Çində yayılmışdır.

Botaniki təsviri

Hündürlüyü 7 m-ə çatan ağacdır. 42 illik ağacın hündürlüyü 12 m, gövdəsinin diametri 21 sm-dir. Budaqları dairəvi, açıq qəhveyi, sonralar tünd bənövşəyidir. Cavan budaqları sallaq, yumurtavari, çilpaqdır. Yarpağı növbəli, dar ellipsvari olub, uzunluğu 5-10 sm, eni 2,5-5 sm-dir. Cavan sallaq yarpaqları çılpaqdır. Vegetasiya dövrü apreldən oktyabra qədər davam etməklə mayın axırında çiçəkləyir, beşillik ağac bar verir. May-iyun ayının əvvələrində çiçəkləyir. Çiçəkləri parlaq çəhrayı, ləçəkləri qırmızı, 4 sm diametrindədir. Meyvələri sentyabr ayında yetişir. Oduncağı sıx, möhkəm və bərk, qırmızı-qonur rəngdədir.

Ekologiyası

Torpağa az tələbkardır, yüngül, gilli torpaqlarda yaxşı bitir. Şaxtaya davamlıdır.

Azərbaycanda yayılması

Naxçıvan MR-da, Qubada mədəni şəraitdə becərilir.

İstifadəsi

Qrup, soliter, cərgə əkinlərində istifadəsi məqsədyönlüdür. Tərkibində alma turşusu, dəmir duzu, habelə A, B və C vitaminləri vardır. Meyvələrində B vitamininin miqdarı 0,8-2,3 qamma, karotinin miqdarı 1,25-3,0 qammadır. Oduncağından müxtəlif qiymətli dülgərlik məmulatlarının hazırlanması üçün istifadə edilir.