Xırdayarpaq şümşad

Xırdayarpaq şümşad (lat. Buxus microphylla) — bitkilər aləminin şümşadçiçəklilər dəstəsinin şümşadkimilər fəsiləsinin şümşad cinsinə aid bitki növü.

Xırdayarpaq şümşad
Elmi təsnifat
Domen: Eukariotlar Klad: Diaphoretickes Ranqsız: Arxeplastidlər Aləm: Bitkilər Klad: Streptofitlər Klad: Ali bitkilər Klad: Çoxsporlu bitkilər Klad: Borulu bitkilər Klad: Toxumlu bitkilər Klad: Çiçəkli bitkilər Klad: Evdikotlar Dəstə: Şümşadçiçəklilər Fəsilə: Şümşadkimilər Cins: Şümşad Növ: Xırdayarpaq şümşad
Beynəlxalq elmi adı
Buxus microphylla
Şəkil axtarışı ITIS   506450 NCBI   153571 EOL   484972

Təbii yayılması

Yaponiyada təbii halda bitir.

Botaniki təsviri

Hündürlüyü 6-8 m olan yığcam çətirli koldur. Cavan zoğları çılpaqdır və dördtillidir. Yarpaqları 0,5-2 sm uzunluğunda,0,3-1,2 sm enində, tərs yumurtavari və ya neştərşəkillidir, dəyirmi və ya oyuq təpəli olub, qaidəsi pazvaridir. Oturaq çiçəklərdən ibarət çiçək qrupu budaqların ucunda yerləşmışdir. Erkək çiçəklərinin uzunluğu dişi çiçəklərin uzunluğuna bərabərdir. Kolun bölünməsi və qələm vasitəsilə çoxaldılır.

Ekologiyası

Quru və yarımrütubətli subtropik rayonlarda normal böyüyüb inkişaf edir.

Azərbaycanda yayılması

Zaqatalada, Şəkidə, Gəncədə park və bağlarda rast gəlinir.

İstifadəsi

Canlı çəpər yaradılmasında, bordür salınmasında istifadə edilir.

Sinonimləri

Homotipik sinonimləri

• Buxus japonica var. microphylla (Siebold & Zucc.) Müll.Arg. ex Miq.
• Buxus sempervirens var. microphylla (Siebold & Zucc.) Hayata

Yarımnövləri

• Buxus microphylla var. microphylla
• Buxus microphylla var. riparia (Makino) Makino