Xələfbəyovlar

Xələfbəyovlar — Azərbaycanın soylarından biri.

Xələfbəyovlar
Titul	Bəy
Əcdadı	Xələf bəy Qarabaği
Mənşəyi	Qarabağ, Şuşa
Təbəəliyi	Qarabağ xanlığı, Rusiya imperiyası

Soyun yaranması

Bu soyun ulu babası Xələf bəydir. Xələf bəy XVIII əsrin sonlarında, XIX əsrin əvvəllərində Şuşa şəhərində yaşamışdı. İbrahimxəlil xan Cavanşirin və onun oğlu Mehdiqulu xan Cavanşirin naziri olmuşdu. Nazir xəzinədarlıq vəzifələrini yerinə yetirirdi. Xanlığın xəzinələrinin məsrəfinə, əmlakın düzgün xərclənməsinə nəzarət edirdi.

Xələf bəy mülkədar idi. Şuşa şəhərində rəiyyətin, xeyli əmlakın, Vərəndə mahalının Heşan, İsfəhancıq kəndlərində rəiyyətin, torpaqların yiyəsi sayılırdı.

Xələf bəyin törəmələri rus üsul idarəsi dövründə Xələfbəyov soyadını daşıyırdılar.

Soyun tanınmış nümayəndələri

• Rafiq Xələfov — nazir, əməkdar mühəndis.
• Fəxriyyə Xələfova — modelyer, əməkdar incəsənət xadimi.

Mənbə

• Ənvər Çingizoğlu. Xələfbəyovlar: Xələfdən sələfə. "Soy" dərgisi, 11 (31), Bakı, 2009.