Xəzər ilişgəni

Xəzər ilişgəni (lat. Sabanejewia caspia) — heyvanlar aləminin xordalılar tipinin şüaüzgəclilər sinfinin çəkikimilər dəstəsinin çöprələr fəsiləsinin i̇lişgən cinsinə aid heyvan növü.

Xəzər ilişgəni
Elmi təsnifat
Domen: Eukariotlar Ranqsız: Amorphea Ranqsız: Obazoa Ranqsız: Opisthokonta Ranqsız: Holozoa Ranqsız: Filozoa Aləm: Heyvanlar Yarımaləm: Eumetazoylar Klad: ParaHoxozoa Klad: İkitərəflisimmetriyalılar Klad: Nephrozoa Tipüstü: Sonağızlılar Tip: Xordalılar Klad: Olfactores Yarımtip: Onurğalılar İnfratip: Ağızçənəlilər Klad: Eugnathostomata Klad: Teleostomi Sinifüstü: Sümüklü balıqlar Sinif: Şüaüzgəclilər Ranqsız: Actinopteri Yarımsinif: Neopterygii İnfrasinif: Sümüklü balıqlar Dəstəüstü: Ostariophysi Ranqsız: Otophysi Ranqsız: Cypriniphysae Dəstə: Çəkikimilər Fəsiləüstü: Cobitoidea Fəsilə: Çöprələr Cins: İlişgən Növ: Xəzər ilişgəni
Beynəlxalq elmi adı
Sabanejewia caspia
Şəklin VikiAnbarda axtarışı ITIS   640072 NCBI   2590992

Yayılması

Aşağı Kürün əlavə su hövzələrində Şilyan, Hacıqabul, Ağçala göllərində, Lənkəran yaxınlığındakı gölməçələrdə, Qumbaşı çayında, Kiçik körfəzi Xəzərlə birləşdirən kanallarda yayılmışdır. Ural, Emba, Ənzəli çaylarının mənsəbində, Pəhləvi körfəzində təsadüf edilir.

Morfoloji əlamətləri

D II-III 6-7,A I-II 5,P I 6-7, V I 5 şüa var, fəqərələrinin sayı 41-42-dir. Bədəni yanları çox basıqdır. Bədəninin hündürlüyü gövdəsinin uzunluğu qədərdir. Böyürlərində tünd zolaq var, xalları yoxdur. Bığcıqları əvvəlki növlərin ikisindən də uzundur. Gözönü tikanın quruluşu qızılı ilişgəndəki kimidir. Quyruq gövdəsinin qıraqları ilə daraqvari dəri qırış uzanır. Quyruq üzgəcinin əsasında iki tünd,bəzən qara xal olur. Uzunluğu 65 mm-ə çatır.

Yaşayış yeri və həyat tərzi

Şirin sularda yaşayır, durğun və yavaş axan bitkili sahələrə üstünlük verir.

Çoxalması

Uzunlğu 35 mm çatanda cinsi yetkinliyə çatır. Kürüləri hissə hissə yetişir, 3 ölçüdə olur. 36-45 mm-lik balıqlarda 140-dan 510-a qədər, ortalama 323 iri kürü sayılmışdır. Onların maksimal sayı 955 olmuşdur. Kürütökmə apreldə baş verir. Böyüməsi zəif gedir.

Təsərrüfat əhəmiyyəti

Təsərrüfat əhəmiyyəti yoxdur.