Xalq Nəzarəti Komitəsi

Xalq Nəzarəti Komitəsi — SSRİ-də dövlət nəzarəti sisteminin orqanlarından biri. Dövlət planlarının icrasına, nizam-intizamın pozulmasına, təsərrüfat ehtiyatlarının müəyyən edilməsinə, vəsaitlərin xərclənməsinə nəzarət funksiyalarını yerinə yetirmişdir.

Xalq Nəzarəti Komitəsi
Ümumi məlumatlar
Ölkə	SSRİ

Strukturu

Qurumun strukturu belə idi:

• SSRİ Xalq Nəzarəti Komitəsi
• İttifaq respublikalarının xalq nəzarəti komitələri,
• Muxtar respublikaların, ərazilərin, vilayətlərin, muxtar vilayətlərin, rayonların, şəhər və rayonların xalq nəzarəti komitələri, habelə
• Zəhmətkeş xalq deputatları kənd və qəsəbə sovetləri yanında xalq nəzarəti qrupları,
• Müəssisələrdə, kolxozlarda, idarələrdə, təşkilatlarda və hərbi hissələrdə xalq nəzarəti komitələri, qrupları və postları.

Komitənin tərkibi SSRİ Nazirlər Soveti tərəfindən təsdiq edilirdi. Komitənin sədrini SSRİ Ali Soveti təyin edirdi və SSRİ hökumətinin nümayəndəsi idi.