Yeni Azərbaycan Partiyası Gənclər Birliyi

Yeni Azərbaycan Partiyası Gənclər Birliyi
YAP GB
Yeni Azərbaycan Partiyası Gənclər Birliyi; YAP GB
Yaranma tarixi	26 iyun 1995
Mərkəzi	Azərbaycan Respublikası, Bakı şəhəri, S.Senyuşkin küçəsi 26
Sədr	Bəxtiyar İslamov

Yeni Azərbaycan Partiyası Gənclər Birliyi — Yeni Azərbaycan Partiyasının strukturuna daxil olan məşvərətçi kollegial qurumdur.

Tarix

Yeni Azərbaycan Partiyasının gənclik qolu olan "Yeni Azərbaycan Partiyası Gənclər Birliyi" 1995-ci il 26 iyun tarixində yaradılmışdır. İlk sədri Siyavuş Novruzov olmuşdur. Daha sonra sədr Ramil Həsənov, ardınca isə Seymur Orucov olmuşdur. 11 mart 2021-ci ildə Yeni Azərbaycan Partiyasının sədri Prezident İlham Əliyevin təqdimatı əsasında Yeni Azərbaycan Partiyasının İdarə Heyəti tərəfindən Bəxtiyar İslamov Yeni Azərbaycan Partiyası Gənclər Birliyinin sədri təyin olunmuşdur.

Fəaliyyəti

Yeni Azərbaycan Partiyası Gənclər Birliyi Azərbaycanın ictimai-siyasi həyatında yaxından iştirak edən qurumdur. Yeni Azərbaycan Partiyası Gənclər Birliyi mütəmadi olaraq sosial və ictimai bir çox layihələr həyata keçirir. Yeni Azərbaycan Partiyası Gənclər Birliyi mütəmadi olaraq xeyriyəçiliklə məşğul olur: kimsəsiz uşaqlar evlərini və qocalar evlərini və aztəminatlı ailələri, müxtəlif dərəcəli əlilləri, Birinci və İkinci Qarabağ Müharibəsi qazilərini, şəhid ailələrini ziyarət edərək maddi və mənəvi dəstək verir.

Struktur

Yeni Azərbaycan Partiyası Gənclər Birliyinə "sədr" rəhbərlik edir. Sədrin 2 müavini olur. Azərbaycan Respublikasının hər rayonunda Yeni Azərbaycan Partiyası Gənclər Birliyinin nümayəndəlikləri var, bu nümayəndəliklərin hər birinin sədri var.

Yeni Azərbaycan Partiyası Gənclər Birliyinin üzvlərindən ibarət 5 komitə fəaliyyət göstərir

Beynəlxalq Əlaqələr Komitəsi — Beynəlxalq əməkdaşlıq sahəsində işlərin təşkilini, tənzimlənməsini və təkmilləşdirilməsini təmin edir.
Dayanıqlı İnkişaf Komitəsi — qeyri-formal təhsil, ictimai-siyasi təmsilçilik, innovasiya və Partiyanın Gənclər Birliyi tərəfindən müəyyən olunmuş sahələrdəki fəaliyyətlərinin təşkilini, icrasını həyata keçirir.
Milli Dəyərlər Komitəsi — ölkə gənclərinin milli vətənpərvərlik ruhunda tərbiyə olunması işinin aparılmasını təmin edir. Azərbaycançılıq ideologiyasının və bu ideologiyanın sütunları olan müstəqillik, suverenlik, vətənpərvərlik, tarixi köklərə bağlılıq, milli özgüvənlik, humanizm prinsiplərinin gənclər arasında təbliğatını aparır.
Rayon Təşkilatları və QHT-lərlə İş Komitəsi — Gənclər Birliyinin rəhbərliyi və rayon təşkilatları arasında əlaqəlindirməni, o cümlədən, müvafiq QHT-lərlə əməkdaşlığı həyata keçirir.
Şəhid Ailələri və Qazilərlə İş Komitəsi — Gənclər Birliyinin Şəhid ailələri və qazilərlə iş komitəsi şəhid ailələri və qazilərlə iş sahəsindəki fəaliyyətlərin təşkilini, icrasını həyata keçirir.^[1]

Bundan başqa Yeni Azərbaycan Partiyası Gənclər Birliyində 30 nəfərdən ibarət İdarə Heyəti faəliyyət göstərir. Yeni Azərbaycan Partiyasının yeni Nizamnaməsinə əsasən, Yeni Azərbaycan Partiyası Gənclər Birliyinin sədri və müavinləri partiya sədrinin təqdimatı əsasında İdarə Heyəti tərəfindən təsdiq edilir.

11 mart 2021-ci il tarixində Bəxtiyar Qabil oğlu İslamov Yeni Azərbaycan Partiyası Gənclər Birliyinin sədri, Sevinc Saleh qızı Qasımova və Fəsli Nəbi oğlu Nəbiyev sədrin müavini təyin olunublar. Eyni zamanda, 30 nəfər Yeni Azərbaycan Partiyası Gənclər Birliyi İdarə Heyətinin üzvü seçilib.

İdarə Heyəti^[2]

Bəxtiyar İslamov
Sevinc Qasımova
Fəsli Nəbiyev
Nurlan Həsənov
Cəbi Quliyev
Səbinə Xasayeva
İlqar Quliyev
Sabir Rüstəmov
Nihad Allahyarlı
Fərid Sadıxlı
İlqar Axundov
Kənan Kərimov
Salman Salmanov
Coşqun Hidayətov
Nərmin Heydərova
Azad Manaflı
Ülviyyə Axundova
Hüseyxan Hacızadə
Nərgiz Babayeva
Elvin Aslanov
Fərid Dünyamalıyev
Əkbər Cəlilov
Niyaz Əliyev
Ülkər Həsənova
Həsən Hüseynzadə
Ülkər Qəhərmanova
Anastasiya Lavrina
İlahə Qasımova
Ayxan Tağızadə
Emin Aslanlı

Qərargahı

Yeni Azərbaycan Partiyası Gənclər Birliyinin qərargahı Bakı şəhəri , Səbail rayonu Üzeyir Hacıbəyli küçəsi 66-da yerləşir.

Xarici keçidlər

İstinadlar

↑ https://web.archive.org/web/20150903042901/http://levelup.com.az/level-up-educational-development-center-signed-the-partnership-agreement-with-new-azerbaijani-party,s-youth-union-54-201-news.html
↑ "Arxivlənmiş surət". 2022-08-15 tarixində arxivləşdirilib. İstifadə tarixi: 2021-03-12.

[1] ttps://web.archive.org/web/20150903042901/http://levelup.com.az/level-up-educational-development-center-signed-the-partnership-agreement-with-new-azerbaijani-party,s-youth-union-54-201-news.html

[:4-2] "Arxivlənmiş surət". 2022-08-15 tarixində arxivləşdirilib. İstifadə tarixi: 2021-03-12.

[1]

[2]