Yaşar Əliyev (güləşçi)

Yaşar Əliyev (31 avqust 1989, Azərbaycan) — Azərbaycanı təmsil edən sərbəst güləşçi.

Yaşar Əliyev
Şəxsi məlumatlar
Tam adı	Yaşar Azər oğlu Əliyev
Vətəndaşlığı	Azərbaycan
Doğum tarixi	31 avqust 1989
Doğum yeri	Azərbaycan
Boyu	165 sm. (5 ft 6 in)
İdman növü	Güləş
Karyera illəri	2000—2025
Məşqçisi	Qırxlar Bədəlov
Komandası	Neftçi İdman Klubu
Medallar Avropa Çempionatı Bürünc 2013 Gürcüstan 55 Kq.

Onun qardaşı Hacı Əliyev də güləşçidir və üç qat Dünya, dörd qat isə Avropa Çempionatlarının qalibidir.

Karyerası

Yaşar Əliyev 2006-cı ildə İstanbul şəhərində baş tutan yeniyetmələr arasında Avropa Çempionatının bürünc medalına sahib olmaqla beynəlxalq turnirlərdə birinci uğuruna imza atdı. Bir il sonra, 2007-ci ildə gənclər arasında Avropa Çempionatını beşinci pillədə başa vuran Yaşar Əliyev 2008-ci ildə həmin turnirin bürünc medalına sahib oldu. 2008-ci ildə Yaşar Əliyev həm də gənclər arasında Dünya Çempionatını beşinci pillədə başa vurdu.

Yaşar Əliyev 2009-cu ildə Litvanın Vilnüs şəhərində baş tutan Avropa Çempionatında mübarizə aparmaqla Avropa Çempionatlarında debüt elədi. Turnirin bürünc medal uğrunda görüşündə məğlub olaraq çempionatı beşinci pillədə başa vuran Yaşar Əliyev həmin ilin avqustunda gənclər arasında Dünya Çempionatının bürünc medalına sahib oldu. 2010-2012-ci illərdə nüfuzlu beynəlxalq turnirlərdə mübarizə aparmayan Yaşar Əliyev 2011-ci ildə Sofiya şəhərində D. Kolov - N. Petrov Turnirini, 2012-ci ildə isə Kiyev şəhərində Kiyev Turnirini bürünc medallarla başa vurdu.

Karyerasının ən uğurlu mövsümü 2013-cü ilə təsadüf edən Yaşar Əliyev həmin il əvvəl fevralda Yaşar Doğu beynəlxalq turnirinin bürünc medalına sahib oldu, daha sonra isə martda Gürcüstanın Tbilisi şəhərində baş tutan Avropa Çempionatını bürünc medalla başa vurdu. Yaşar Əliyev Qızıl Qran-Pri beynəlxalq turnirində 2013-cü ildə bürünc medala, 2014-cü ildə isə bürünc medala sahib oldu. 2015-ci ilin yanvarında Fransada Paris Qran-Prisini də bürünc medalla başa vuran Yaşar Əliyev həmin ilin iyununda Birinci Avropa Oyunlarını beşinci pillədə başa vurdu. Yaşar Əliyev 2015-ci ildə 26 yaşında idmanla vidalaşdı.

Nəticələri

Sıra	İl	Yarış	Ev sahibi	Nəticə
1	2006	Yeniyetmələrin Avropa Çempionatı	Türkiyə	3.
2	2007	Gənclərin Avropa Çempionatı	Serbiya	5.
3	2008	Gənclərin Avropa Çempionatı	Slovakiya	3.
4		Gənclərin Dünya Çempionatı	Türkiyə	5.
5	2009	Avropa Çempionatı	Litva	5.
6		Gənclərin Dünya Çempionatı	Türkiyə	3.
7	2010	Qızıl Qran-Pri	Azərbaycan	17.
8	2011	D. Kolov - N. Petrov Turniri	Bolqarıstan	3.
9		Əli Əliyev Turniri	Rusiya	18.
10		Qızıl Qran-Pri	Azərbaycan	8.
11	2012	Kiyev Turniri	Ukrayna	3.
12		Dünya Olimpiya Təsnifat Turniri	Çin	16.
13		Qızıl Qran-Pri	Azərbaycan	7.
14	2013	Y. Doğu Turniri	Türkiyə	3.
15		Avropa Çempionatı	Gürcüstan	3.
16		Universiada Oyunları	Rusiya	12.
17		Dünya Çempionatı	Macarıstan	25.
18		Qızıl Qran-Pri	Azərbaycan	2.
19	2014	Yaşar Doğu Turniri	Türkiyə	18.
20		Əli Əliyev Turniri	Rusiya	15.
21		Qızıl Qran-Pri	Azərbaycan	3.
22	2015	Paris Qran-Prisi	Fransa	3.
23		Avropa Oyunları	Azərbaycan	5.
24		Qızıl Qran-Pri	Azərbaycan	12.