Yastımeyvə karopodium

Yastımeyvə karopodium (lat. Caropodium platycarpum) — bitkilər aləminin çətirçiçəklilər dəstəsinin çətirkimilər fəsiləsinin karopodium cinsinə aid bitki növü.

Yastımeyvə karopodium
Elmi təsnifat
Domen: Eukariotlar Klad: Diaphoretickes Ranqsız: Arxeplastidlər Aləm: Bitkilər Klad: Streptofitlər Klad: Embryophytes Klad: Polysporangiophytes Klad: Tracheophytes Klad: Toxumlu bitkilər Klad: Çiçəkli bitkilər Klad: Eudicots Klad: Core eudicots Klad: Superasterids Klad: Asterids Klad: Campanulids Dəstə: Çətirçiçəklilər Fəsilə: Çətirkimilər Cins: Karopodium Növ: Yastımeyvə karopodium
Beynəlxalq elmi adı
Caropodium platycarpum
Şəklin VikiAnbarda axtarışı

Qısa morfoloji təsviri

Çoxillik, çılpaq bitkidir. Gövdə qalxanvari budaqlanır, 20-45 sm hündürlüyündədir. Yarpaq ayası nazik, sərt və yarıqlıdır, kasa yarpaqlarının dişcikləri görünür. Yarpaq lövhələri lansetvaridir, ikiqat-yarılmış lələklidir, son ayları uzun, nazik, cod tükcüklüdür. Çətirlərində 5-12 ədəd şüaları vardır. Kasa yarpaqlarının dişicikləri qısa, bizvaridir, meyvə ətarfında bərkdir. Meyvələri çox uzundur, 9-10 mm-dir, qanadsızıdır, qısa yoğun ayaqcıqlı, pişik pəncəsinə bənzərdir.

Bioloji, ekoloji və fitosenoloji xüsusiyyətləri

Çiçəkləmə iyun, meyvəvermə iyun-iyul aylarına təsadüf edir. Kserofitdir. Orta və yuxarı dağ qurşaqlarında, meşə-kolluq, quru yamaclarda rast gəlinir. Efiryağlı bitkidir.

Yayılması

Naxçıvanın dağlıq hissəsi (Şahbuz rayonu — Küküdağ, Dərəboğaz və Batabat əraziləri; Culfa rayonu — Aracıq dağ; Ordubad rayonu — Nürgüt, Nəsirvaz kəndləri ətrafı).

 Sayı və tendensiyası

Antropogen təsirlər nəticəsində yaşama ərazisi məhdudlaşır, populyasiyada azalma tendensiyası müşahidə olunur.

Məhdudlaşdırıcı amillər

Ədviyyat kimi əhali tərəfindən həddindən artıq toplanılması. 

Mühafizə tədbirləri

Populyasiyaları nisbətən təhdit altında olduğundan qorunması vacibdir.

Sinonimləri

Homotipik sinonimləri

• Grammosciadium platycarpum Boiss. & Hausskn.
• Stenodiptera platycarpa (Boiss. & Hausskn.) Koso-Pol.