Yekaterina Avramova
Yekaterina Stefanova Avramova (14 fevral 1907 – 1986, Sofiya) ― Bolqarıstan siyasətçisi. O, 1945-ci ildə Bolqarıstan Milli Məclisinə seçilən ilk qadınlardan biri olub.
| Yekaterina Avramova | |
|---|---|
| Şəxsi məlumatlar | |
| Doğum tarixi | 14 fevral 1907 |
| Vəfat tarixi | 1986 |
| Vəfat yeri | |
| Təhsili | |
| Fəaliyyəti | siyasətçi |
Bioqrafiya
redaktəAvramova 1907-ci ildə Mokren kəndində anadan olub.[1] O, 1931-ci ildə Bolqarıstan Kommunist Partiyasına (BKP) qoşulmuş və iki il sonra Bolqarıstan İşçi Gənclər İttifaqının mərkəzi komitəsinin üzvü olmuşdur.[1] O, Sofiya Universitetində alman filologiyası ixtisası üzrə təhsil almış, lakin 1934-cü ildə universitetdən qovulmuş və yenidən Mokrenə göndərilmişdir.[1] Avramova 1936-cı ildə BKP-nin mərkəzi komitəsində təlimatçı olub.[1] O, 1941-ci ildə həbs olunub və Qonda-Voda həbs düşərgəsinin qadın bölməsinə göndərilib.[1] Avramova 1943-cü ildə buradan qaçmış, bir il sonra BKP-də işləməyə başlamış və Bolqarıstan Daxili İşlər Nazirliyinin əməkdaşı olmuşdur.[1]
1945-ci ildən 1966-cı ilə qədər BKP mərkəzi komitəsinin üzvü olub.[1] Avramova Bolqarıstanda qadınların iştirak etdiyi ilk parlament seçkiləri olan 1945-ci il parlament seçkilərində namizəd olub və Milli Məclisə seçilib. Beləliklə o, ölkənin parlamentinin ilk qadın üzvlərindən biri olmuşdur.[2] Avramova 1946-cı ildə yenidən parlamentə seçilib. O, 1949-cu ildən 1952-ci ilə mərkəzi komitənin xarici şöbəsinin müdiri olub.[1] Avramova 1949 və 1953-cü illərdə yenidən parlamentə deputat seçilmiş, 1955-1957-ci illərdə Mərkəzi Komitənin Təbliğat və Təşviqat şöbəsinə rəhbərlik etmiş, 1957-ci ildən 1996-cı ilə qədər isə Xarici Ölkələrlə Dostluq və Mədəni Əlaqələr Komitəsinin sədri olmuşdur.[1] O, 1957, 1962 və 1966-cı illərdə yenidən Milli Məclisə deputat seçilmiş, bundan sonra 1971-ci ilə qədər Milli Məclis sədrinin müavini vəzifəsində çalışmışdır.[1] 1971-ci il konstitusiyasının qəbulundan sonra o, Təbii Ətraf Mühitin Mühafizəsi və Bərpası Şurasının katibi vəzifəsinə təyin edilib.
Yekaterian Avramova 1986-cı ildə Sofiyada vəfat etmişdir.[3]
İstinadlar
redaktə- ↑ 1 2 3 4 5 6 7 8 9 10 "Екатерина Аврамова | Politburo". politburo.archives.bg (bolqar). 2024-05-08 tarixində arxivləşdirilib. İstifadə tarixi: 2024-05-08.
- ↑ Mart Martin (2000) The Almanac of Women and Minorities in World Politics, pp53–54
- ↑ Angel Tsurakov (2008) Енциклопедия на правителствата, народните събрания и атентатите в България, p500 ISBN 954528790X