Yelisey sarayı

Yelisey sarayı
	Görməli yer
Yelisey sarayı
	Palais de l'Élysée
Ölkə	Fransa;
Şəhər	Paris
Yerləşdiyi yer	VIII arondisman, "Faubourg Saint-Honoré" məhəlləsi, № 55
Binanın tipi	malikanə
Memarlıq üslubu	barokko memarlığı, klassisizm
Memar	Armand-Klod Mollet
Əsası qoyulub	1722 (tikintisi : 1718 - 1722)
Əsas tarixlər
Açılış tarixi	1722
Bina
Status	Tarixi abidə
Sayt	elysee.fr
	Vikianbarda əlaqəli mediafayllar

Yelisey sarayı (fr. Palais de l'Élysée) — Fransa Respublikası Prezidentinin Parisdəki iqamətgahı (VIII arondisman, "Faubourg Saint-Honoré" məhəlləsi, № 55). Həmçinin Fransa Nazirlər Şurasının iclasları burada, "Murat" zalında keçirilir. İyulun 14-də Fransa Milli Günü (əvvəllər Bastiliya Günü) ilə əlaqədar olaraq axşam sarayın bağlarında şənliklər keçirilir.

Fransa Prezidenti Yelisey sarayında Respublika Qvardiyasının fəxri qarovul dəstəsinin qarşısında xarici dövlət başçılarını qəbul edir.

Tarixi

Bina 1718-1722-ci illərdə memar Armand-Klod Mollet tərəfindən "Latour d'Auvergne" ailəsindən qraf Evreux və həyat yoldaşı üçün dəbli metropoliten malikanəsi kimi "regency" üslubunda tikilmişdir. 1753-cü ildə qrafın ölümündən sonra saray XV Lüdovik tərəfindən Madam de Pompadur üçün satın alındı. Bu dövrdə sarayın ərazisi genişləndirildi. Madam de Pompadurun 1764-cü ildə ölümündən sonra saray kralın uzaq qohumlarına keçdi.

Bina I Napoleon dövründə ilk dəfə dövlət məqsədləri üçün istifadə edilmişdir. 1805-ci ildə saray Yoahim Murat tərəfindən satın alındı^[3] və o, Neapola getdikdən sonra imperator özü orada məskunlaşdı.

1816-cı ildə XVIII Lüdovik tərəfindən satın alındı.

1848-ci ildən saray imperator III Napoleonun rəsmi iqamətgahına çevrildi. Həmçinin bina 1853-1867-ci illərdə imperatorun əmri ilə memar Cozef-Yevgeni Lakroix tərəfindən yenidən tikilib və o vaxtdan onun görünüşü dəyişməyib