Yeni Qalaboynu təzahürü
Yerləşməsi redaktə
Qazıxanlı antiklinorisinin cənub-qərb cinahında yerləşərək eyni adlı dərinlik qırılması ilə əlaqədardır[1].
Haqqında redaktə
Bu təzahür hidrotermal dəyişilmiş, kvarslaşmış, dəmirləşmiş, qalınlığı 15-20 sm. olan sulfid minerallaşması daşıyan kvars-karbonat damar və damarcıqları ilə təmsil olunurlar. Filiz damarlarının 10-20%-ni təşkil edən sulfidlər əsasən pirit, xalkopirit, sfalerit, qalenit və antimonit minerallarından ibarətdir. Zonanın filizində qızıl,gümüş, sink, mərgümüş, bismut və civə kimi elementlər iştirak edirlər. Qızıl və gümüşün miqdarı böyük intervalda dəyişir. Zona yüksək perspektivli hesab olunur[1].