Yoldaş (qəzet, Azərbaycan)

Yoldaş (qəzet) — ictimai-siyasi qəzet. "Hümmət" sosial-demokrat (bolşevik) qrupunun orqanı.

Yoldaş
Növ	İctimai, siyasi
Baş redaktor	Əsədulla Axundov
Redaktor	Məhəmməd Əmin Rəsulzadə
Yaranma tarixi	avqust 1907-ci ildə
Nəşrini dayandırıb	1907-ci ildə
Şəhər	Bakı

Tarixi

Yoldaş qəzeti 1907 ilin avqust ayından etibarən nəşr olunmağa başlamışdır.

Haqqında

Naşiri Ə.Axundov, redaktoru Məhəmməd Əmin Rəsulzadə idi. S.M.Əfəndiyev, M.F.Axundov, M. Ə. Rəsulzadə, M.Hadi, Ə.Əzimzadə və başqaları qəzetdə əməkdaşlıq etmişlər. "Molla Nəsrəddin" jurnalı Bakıda nəşrə başlayan "Yoldaş" qəzetinin Qafqazda milli toqquşmalara son qoymaq, milli sülh və əmin-amanlığı təmin etmək çağırışını bəyənmişdir. Jurnalın 17 sentyabr tarixli 35-ci sayında (1907) Cəlil Məmmədquluzadənin "Yoldaş" sərlövhəli iri bir xülasə məqaləsi dərc olunmuşdur. Yazı belə başlayır: "Cəmi oxucularımızdan təvəqqe edirik Bakıda təzə çıxan "Yoldaş" adlı qəzetənin ikinci nömrəsini bir adamdan yalvarıb alıb oxusunlar, genə qaytarsınlar sahiblərinə. Və görsünlər qəzetənin əvvəlinci səhifəsində cənab Rəsulzadə nə yazır". "Yoldaş"-ın 3-cü sayında dərc olunmuş "Quba şeyxi: Qubada bir nəfər peyğəmbərlik iddiasındadır!" sərlövhəli satirik yazının süjeti "Ölülər" (1909) pyesindəki hadisələrlə səsləşir. 1907-ci il sentyabr ayında hökumət bu qəzeti "zərərli məsləkinə görə" bağlamışdır.

Həmçinin bax

• Tərcüman (qəzet)
• Molla Nəsrəddin (jurnal)
• Mirat (jurnal)

Mənbə

• Cəlil Məmmədquluzadə Ensiklopediyası. Bakı, 2008. səh. 295-296.