Yongma Land
Yongma Land (kor. 용마랜드) – Cənubi Koreyanın Seul şəhərinin Çunnan rayonunda yerləşən tərk edilmiş əyləncə parkı. Nostalji görüntüsü səbəbilə fotoqraflar, kospleyerlər, eləcə də, K-pop müğənniləri və qrupları arasında populyar yerdir.
| Yongma Land | |
|---|---|
 | |
| Məlumatlar | |
| Parkın tipi | əyləncə |
| Ölkə | |
| Yerləşməsi | Çunnan, Seul, Cənubi Koreya |
| Yaradılıb | 1980 |
| Ziyartəçi sayı | 50-60 |
| Statusu | tərk edilmiş |
| Xəritədə yeri | |
 |
|
 Vikianbarda əlaqəli mediafayllar | |
Tarixi
redaktə"Yongma Land" 1980-ci ildə ailəvi əyləncə parkı kimi açılmışdır.[1] Həmin dövr Cənubi Koreyada tema parkalarının populyarlaşdığı və xaricə səyahətin geniş yayılmadığı dövr olduğu üçün "Yongma Land" 1990-cı illərin ortalarına qədər popular əyləncə parkı olmuşdur. Parkda həmin dövr üçün Cənubi Koreyada nadir olan açıq üzgüçülük hovuzu və ən böyük qarda sürüşmə təpəsi yerləşirdi.[2]
1989-cu ildə "Lotte World" adlı daha böyük əyləncə parkının açılmasından sonra "Yongma Land" öz populyarlığını itirməyə başlamışdır.[3] 1995-ci ildə parkda yenidənqurma işləri aparılsa da, parka bitişik olan beşmərtəbələli idman kompleksinin tikintisi iqtisadi böhran səbəbilə 1999-cu ildə dayandırılmışdır. 2011-ci ildə əyləncə parkı kimi fəaliyyət göstərməsi üçün müvafiq lisenziya verilməmiş və park fəaliyyətini dayandırmışdır.[2]
Xüsusiyyətlər
redaktəPark tərk edilmiş və baxımsız vəziyyətdədir. Burada avtodrom, səkkizayaqlı, vikinq gəmisi, kloun motivləri olan amerikan təpələri, karusel kimi attraksionlar yerləşir.[1]
Populyarlığı
redaktə"Yongma Land" əyləncə parkı kimi fəaliyyətini dayandırsa da, nostalji görüntü səbəbilə fotoqraflar, peşəkar video istehsalçıları və kospleyerlər arasında populyar yerə çevrilmişdir. Hər gün parka 50–60 ziyarətçi gəlir. Parkın sahibi müəyyən məbləğ qarşılığında parkda gəzməyə icazə verir, daha böyük məbləğ qarşılığında isə parkın işıqlarını yandırır.[2]
Park film və K-pop qruplarının kliplərinin çəkilişlərində istifadə olunur. İlk olaraq Pek Çi-yon 2013-cü ildə "Hate" klipinin çəkilişi üçün bu məkandan istifadə etmişdir.[2] Daha sonra "Crayon Pop" qrupunun "Bar Bar Bar" mahnısının (2013),[1] "EXO" qrupunun "Ko Ko Bap" mahnısının və "Dreamcatcher" qrupunun "BECause" mahnısının klipi burada çəkilmişdir. BTS və GOT7 kimi K-pop qrupları albom üzlükləri üçün bu parkın fotolarından istifadə etmişdir.[2] "Ürəksiz şəhər" (2013) kimi Koreya serialları və "Hədəf" (2014) kimi Koreya filmlərinin bəzi çəkilişləri burada baş tutmuşdur.[4]
İstinadlar
redaktə- ↑ 1 2 3 "Yongma Land Abandoned Theme Park". Atlas Obscura (ingiliscə). 1 iyun 2017. 2024-03-20 tarixində arxivləşdirilib. İstifadə tarixi: 20 mart 2024.
- ↑ 1 2 3 4 5 "Empty rides, closed theme park attracts photographers to Yongma Land". Korean Times (ingiliscə). 3 mart 2018. 2023-03-31 tarixində arxivləşdirilib. İstifadə tarixi: 20 mart 2024.
- ↑ "Yongma Land: South Korea's Abandoned Amusement Park Still Has Much to Offer". When It Was Cool (ingiliscə). 2024-03-20 tarixində arxivləşdirilib. İstifadə tarixi: 20 mart 2024.
- ↑ "Music, entertainment elevate old park's status". Korea JoongAng Daily. 2023-01-09 tarixində arxivləşdirilib. İstifadə tarixi: 20 mart 2024.