Yunan quşarmudu

Yunan quşarmudu (lat. Sorbus graeca) — bitkilər aləminin gülçiçəklilər dəstəsinin gülçiçəyikimilər fəsiləsinin quşarmudu cinsinə aid bitki növü.

Yunan quşarmudu
Elmi təsnifat
Domen: Eukariotlar Klad: Diaphoretickes Ranqsız: Arxeplastidlər Aləm: Bitkilər Klad: Streptofitlər Klad: Ali bitkilər Klad: Çoxsporlu bitkilər Klad: Borulu bitkilər Klad: Toxumlu bitkilər Klad: Çiçəkli bitkilər Klad: Evdikotlar Klad: Bazal evdikotlar Klad: Superrozidlər Klad: Rozidlər Klad: Fabidlər Dəstə: Gülçiçəklilər Fəsilə: Gülçiçəyikimilər Yarımfəsilə: Gavalıkimilər Triba: Maleae Yarımtriba: Malinae Cins: Quşarmudu Növ: Yunan quşarmudu
Beynəlxalq elmi adı
Sorbus graeca Kotschy, 1865
Şəkil axtarışı NCBI   1770155 EOL   630489

Təbii yayılması

Kiçik Asiyada və Balkan yarmadasında yayılıb. İlk dəfə Albaniyadan təsvir edilib.

Botaniki təsviri

Hündürlüyü 12 m çatan orta boylu ağac və ya koldur. Yarpaqları uzunsov ellipisvari və ya yumurtavari, çılpaq, altdan isə ağ keçətükcüklüdür. May-iyun aylarında çiçəkləyir. Meyvəsi avqust ayında yetişir.

Ekologiyası

Torpağa az tələbkar, şaxtaya davamlıdır.

Azərbaycanda yayılması

Naxçıvanda MR-da yuxarı dağ qurşağında qayalıqlarda bitir.

İstifadəsi

O, istər çiçəkləmə və vegetasiya dövründə, istərsə də meyvə gətirmə dövründə və payızda yarpaqların müxtəlif rəngələrə düşdüyü zaman yüksək dekorativ keyfiyyətlərə malikdir. Kömürü keyfiyyətlidir, yananda yaxşı istilik verir.