Yusif Əhmədzadə

Yusif Əhmədzadə (XIX əsr, Göyçay – 26 iyul 1938, Bakı) - Azərbaycan Xalq Cümhuriyyəti Parlamentinin üzvü.

Yusif Əhmədzadə
Azərbaycan Xalq Cümhuriyyəti Parlamentinin üzvü
19 noyabr 1918 – 27 aprel 1920
Fraksiya	Müsavat və bitərəflər
Sonrakı	vəzifə ləğv olundu.
Şəxsi məlumatlar
Doğum tarixi	XIX əsr
Doğum yeri	Göyçay, Azərbaycan
Vəfat tarixi	26 iyul 1938(1938-07-26)
Vəfat yeri	Bakı, Azərbaycan SSR, SSRİ
Vəfat səbəbi	Böyük Təmizlik

Haqqında

Yusif Əhmədzadə Ticarət və Sənaye İttifaqının sədr müavini olmuşdur.

Azərbaycan Milli Şurasının "Azərbaycan Məclisi-Məbusanının təsisi haqqında qanun"una (1918, 19 noyabr) əsasən, ticarət-sənaye ittifaqından Azərbaycan Xalq Cümhuriyyəti Parlamentinin tərkibinə daxil edilmişdi.

1919 ilin fevralında ingilislər tərəfindən Batumidə həbs edilmiş Nuru Paşanı xilas etmək lazım idi. Bu mövzuda müxtəlif versiyalar irəli sürülməkdədir. Bu versiyaların birində qeyd olunur ki, İbrahim bəy Heydərov və silahdaşları Nuru paşanın xilasını çətinliklə də olsa təşkil etməyi bacarmış və onu azad edib Bakıya gətirmişdilər. Bu işin əsas təşkilatçısı isə Azərbaycan Parlamentinin üzvü Əhmədzadə idi. O, otuzuncu illərdə repressiyaya məruz qalmış, həbs olunaraq güllələnmişdi.