Yuxarı Əskipara

Yuxarı Əskipara — Azərbaycan Respublikasının Qazax rayonunun inzibati ərazi vahidində kənd. Azərbaycanın Ermənistan ərazisindəki 4 eksklav ərazisindən biridir.

Yuxarı Əskipara
41°03′58″ şm. e. 45°01′23″ ş. u.
Ölkə	Azərbaycan
Tarixi və coğrafiyası
Sahəsi	8,6 km²
Mərkəzin hündürlüyü	864 m
Saat qurşağı	UTC+04:00
Əhalisi
Əhalisi	279 nəf.
Rəsmi dili	Azərbaycan dili
Yuxarı Əskipara
Vikianbarda əlaqəli mediafayllar

Tarixi

• Kənd 8 iyun 1992-ci ildən Ermənistan Silahlı Qüvvələrinin işğalı altındadır
• Kənd ərazisində çoxlu tarixi abidələr var: Şəkər qalası, Qatır körpüsü, Kazım körpüsü və s.

Coğrafiyası və iqlimi

Kəndin dörd tərəfi dağlarla əhatə olunub, meşəliklə örtülüdür, çoxlu mineral bulaqları var. Kənd ada şəklində Ermənistan ərazisində yerləşmişdir. Aşağı Əskiparadan Erməni Əskiparası (və ya Sarxan) vasitəsilə ayrılır.

Toponimikası

Yuxarı Əskipara oyk., miir. Qazax r-nu- nun Əskipara i.ə.v.-də kənd Dağətəyi ərazidədir. Keçmiş adı Əskipara olmuşdur. Ondan yaranmış yeni məntəqə Aşağı Əskipara, əvvəlki kənd isə Yuxarı Əskipara adlandırılmışdır. Əskipara Azərbaycan dilindəki əski (köhnə, qədim) və para (hissə, yer, kənd) sözlərindən ibarət olub, "köhnə, qədim kənd" mənasındadır.

Əhalisi

• 2009-cu ilin siyahıyaalınmasına əsasən kənddə 637 nəfər əhali yaşayır. Əhalinin 321 nəfəri kişilər, 316 nəfəri qadınlardan ibarətdir.

Din

Dini baxımdan, Yuxarı Əskipara əhalisinin bir hissəsi şiə, bir hissəsi isə sünni idi. Salahlı kəndindən vaxtilə buraya gələnlər sünni idi.

Görkəmli şəxsləri

• Davud bəy Şərifov (ata yurdu)(1885-1952) Azərbaycanın ilk peşəkar arxeoloqu, ilk muzeyşünası, etnoqrafı, coğrafiyaşünası.
• Vaqif Şərifov (ata yurdu) (1943-2021) Azərbaycan teatr rejissoru, kino aktyoru, Azərbaycanın xalq artisti.
• Şaiq Vəli (1950–2013) — Tanınmış şair, Azərbaycan Yazıçılar Birliyinin üzvü.

Həmçinin bax

• Qalakənd qalası

Xarici keçidlər

• Azərbaycan Respublikasi Qazax Rayon İcra Hakimiyyəti. Bələdiyyələr