Zöhrə Abdullayeva

Zöhrə Abdulla qızı Abdullayeva (18 dekabr 1952, Şuşa, DQMV28 may 2021, Bakı) — Azərbaycanlı müğənni, Azərbaycan Respublikasının Əməkdar Artisti (2007).

Zöhrə Abdullayeva
Zöhrə Abdullayeva.jpg
Ümumi məlumatlar
Doğum tarixi
Doğum yeri Şuşa, Azərbaycan SSR
Vəfat tarixi (68 yaşında)
Vəfat yeri Bakı, Azərbaycan
Vəfat səbəbi Sklerodermiya[1]
Dəfn yeri Xırdalan
Musiqiçi məlumatları
Fəaliyyəti müğənni
Mükafatları "Azərbaycan Respublikasının əməkdar artisti" fəxri adı — 2007

Həyatı və fəaliyyətiRedaktə

Zöhrə Abdullayeva 16 dekabr 1952-ci ildə Şuşada anadan olub. Azərbaycan Dövlət Texnologiya Universitetini bitirib. Sara Qədimova, Əbülfət Əliyev, Münəvvər Kələntərli kimi sənətkarlardan fərdi muğam dərsləri alıb. İlk müəllimi Rəhilə Həsənova olub. Peşəkar səhnəyə isə İslam Rzayev gətirib.[2]

Əvvəl "Lalə qızlar anasmblının", sonralar isə Azərbaycan Dövlət Filarmoniyasının solisti kimi fəaliyyət göstərmişdir.

Zöhrə Abdullayeva daha çox Məmmədbağır Bağırzadə ilə ifa etdiyi duetlərə görə tanınmışdır. Bundan başqa, xalq və bəstəkar mahnıları, muğamlar da ifa etmişdir.

Dünyanın otuz ölkəsində Azərbaycan musiqisini tərənnüm edib. 1985-ci ildə "İstedadlar axtarılır" konsert müsabiqəsinin qalibi olub. 2000-ci ildə Bağdadda "Babil festivalı"nın diplomuna layiq görülüb.

Zöhrə Abdullayeva 16 yaşında ailə həyatı qurmuşdur. Bir oğlu, iki nəvəsi vardır. Oğlu 24 may 2018-ci ildə ağır xəstəlikdən vəfat etmişdir.[3]

Zöhrə Abdullayeva 28 may 2021-ci ildə uzun sürən ağır xəstəlikdən sonra vəfat etmişdir.[4] Xırdalanda dəfn olunmuşdur.[5]

İstinadlarRedaktə

  1. "Zöhrə Abdullayeva vəfat etdi". azvision.az (az.). 28 may 2021. İstifadə tarixi: 28 may 2021. Müğənni uzun müddət idi ki, nadir xəstəliklərdən hesab edilən sklerodermiyadan əziyyət çəkirdi.
  2. https://news.day.az/showbiz/282873.html
  3. Oğlunu itirən Zöhrə Abdullayeva fəryad etdi
  4. "Əməkdar artist Zöhrə Abdullayeva vəfat edib". apa.az (az.). Azəri Press Agentliyi. 28 may 2021. İstifadə tarixi: 28 may 2021.
  5. Real TV. "Zöhrə Abdullayeva dəfn edilir" (az.). Youtube.com. 28.05.2021. İstifadə tarixi: 2021-05-29.