Zəfər Hüseynov
Zəfər Hüseynov- Azərbaycanlı riyaziyyatçı alim, təhsil işçisi,"Əməkdar müəllim".[1]
| Zəfər Hüseynov | |
|---|---|
| Doğum tarixi | 28 sentyabr 1953 (70 yaş) |
| Doğum yeri |
|
| Vətəndaşlığı |
 SSRİ→ Azərbaycan |
| Milliyyəti | azərbaycanlı |
| Elm sahəsi | riyaziyyat |
| Elmi dərəcəsi | riyaziyyat üzrə fəlsəfə doktoru |
| Elmi adı | |
| İş yerləri | Sumqayıt Dövlət Universiteti, rektorun müşaviri |
| Təhsili | |
| Mükafatları |
 |
Həyatı və təhsili redaktə
Hüseynov Zəfər Qafar oğlu 1953-cü il sentyabr ayının 28-də Şuşa şəhərində ziyalı ailəsində anadan olmuşdur. 1970-ci ildə Şuşa şəhər 4 saylı orta məktəbi bitirərək Bakı Dövlət Universitetinin Mexanika-riyaziyyat fakültəsinə daxil olmuş, 1975-ci ildə universitetdə təhsilini başa vurmuşdur[2]
Əmək fəaliyyəti redaktə
Əmək fəaliyyətinə 1975-ci ildə Xankəndi Pedaqoji İnstitutunda müəllim vəzifəsində işə başlamış, eyni zamanda Şuşa şəhər 4 saylı orta məktəbidə riyaziyyat müəllimi işləmişdir. 1985-ci ildə namizədlik dissertasiyası müdafiə edərək fizika-riyaziyyat elmləri namizədi alimlik dərəcəsi almışdır. 1988–1989-cu illərdə Gəncə Dövlət Universitetində dosent, 1989-cu ildə Azərbaycan Dövlət Pedaqoji Universitetinin Şuşa fakültəsinin dekan müavini, ADPU-nun Şuşa filialı yarandıqdan sonra, əvvəlcə Tədris və elmi işlər üzrə direktor müavini, 1991-ci ildən isə filialın direktoru vəzifələrində işləmişdir.[3] Z. Hüseynov 1994‒2002-ci illərdə Azərbaycan Dövlət Pedaqoji Universitetində dosent, 2002-ci ildən isə Sumqayıt Dövlət Universitetinin Riyaziyyat fakültəsinin dekanı vəzifəsində işləmiş, 05.01.2022-ci il tarixindən isə rektorun müşaviri vəzifəsinə təyin olunmuşdur. 90-dan çox elmi məqalənin, dərs vəsaiti və metodiki vəsaitin müəllifidir. Yeni Azərbaycan Partiyasının üzvüdür. Azərbaycanda təhsilin inkişafındakı xidmətlərimə görə Azərbaycan Respublikası Prezidentinin 16 noyabr 2012-ci il tarixli Sərəncamı ilə Azərbaycan Respublikasının "Əməkdar müəllimi" fəxri adına layiq görülmüşdür.[4]
Elmi əsərləri redaktə
- Word 7.0 mətn redaktoru ilə işin əsasları ADPU-nun nəşri, 2001(dərs vəsaiti).
- İnteqral tənliklər, təqribi həll üsulları, EHM-in tətbiqi, Adiloğlu, nəşriyyatı,2001(dərs vəsaiti).
- Hesablama üsulları və praktikumu, Adiloğlu nəşriyyatı, 2003(dərs vəsaiti).[1]
- Riyaziyyat fakültəsinin qiyabiçi tələbələri üçün ixtisas fənlərindən metodik göstərişlər, SDU-nun nəşri, 2006 (metodik vəsait).
- Riyazi analizdən məsələ və misallar, SDU-nun nəşri, 2009 (dərs vəsaiti).
- Riyazi məntiq" "Politex" MMC, 2014 (dərs vəsaiti).
Həmçinin bax redaktə
İstinadlar redaktə
- ↑ "Sumqayıt Dövlət Universitetinin əməkdaşlarına fəxri adların verilməsi haqqında Azərbaycan Respublikası Prezidentinin". 2022-09-22 tarixində arxivləşdirilib. İstifadə tarixi: 2022-09-22.
- ↑ "Sumqayıt Dövlət Universiteti Rektorun müşaviri". 2022-09-23 tarixində arxivləşdirilib. İstifadə tarixi: 2022-09-22.
- ↑ Azvision, Xəbərlər, Son xəbərlər, Xeberler, Son xeberler. "Ermənilər tələbələrimizi necə qovmuşdu? | Xankəndi İnstitutunun qaçqınlıq tarixçəsi - Müsahibə". https://azvision.az (az.). 2023. 2023-12-04 tarixində arxivləşdirilib. İstifadə tarixi: 2023-12-05.
- ↑ "Sumqayıt Dövlət Universitetinin saytı". 2022-09-23 tarixində arxivləşdirilib. İstifadə tarixi: 2022-09-22.