Zahid Dünyamalıyev

Zahid Dünyamalıyev (27 mart 1944, Naxçıvan10 avqust 2009, Bakı) — Azərbaycan Respublikası Daxili İşlər nazirinin müavini (1993–2005), polis general-leytenantı (2002).

Zahid Dünyamalıyev
bayraq
Azərbaycan Respublikası daxili işlər nazirinin müavini
bayraq2
18 iyul 2001 – 24 mart 2005
NazirRamil Usubov
bayraq
Azərbaycan Respublikası daxili işlər nazirinin birinci müavini
bayraq2
8 avqust 1993 – 18 iyul 2001
NazirRamil Usubov
ƏvvəlkiQabil Məmmədov
SonrakıVəzifə ləğv edildi.
bayraq
Gəncə Şəhər Daxili İşlər İdarəsinin rəisi
bayraq2
1987 – 1990
SonrakıEldar Həsənov (hüquqşünas)
bayraq
Azərbaycan SSR Daxili İşlər Nazirliyi Əməliyyat, Statistik İnformasiya İdarəsinin rəisi
bayraq2
1983 – 1987
bayraq
Azərbaycan SSR Daxili İşlər Nazirliyi Əməliyyat, Statistik İnformasiya İdarəsinin rəis müavini
bayraq2
1977 – 1983
Şəxsi məlumatlar
Doğum tarixi 27 mart 1944(1944-03-27)
Doğum yeri
Vəfat tarixi 10 avqust 2009(2009-08-10) (65 yaşında)
Vəfat yeri
Təhsili
Rütbəsi
Polis general-leytenantı

Təltifləri "Azərbaycan Bayrağı" ordeni — 2004

Həyatı redaktə

Dünyamalıyev Zahid Vəli oğlu 1944-cü il martın 27-də Naxçıvan şəhərində anadan olmuşdur. 1969-cu ildə Azərbaycan Dövlət Universitetini, 1989-cu ildə isə Volqoqrad Ali İstintaq Məktəbini bitirmişdir.

1969-cu ildə Azərbaycan SSR Elmlər Akademiyası Kimya Texnologiyasının Nəzəri Problemləri İnstitutunda kiçik elmi işçi kimi əmək fəaliyyətinə başlamış və 1972-ci ilə qədər həmin institutda çalışmışdır. 1972–1977-ci illərdə Azərbaycan Elmi Tədqiqat Neft və Kimya Proseslərinin Avtomatlaşdırılması İnstitutunda böyük mühəndis vəzifəsində işləmişdir.

1977-ci ildə daxili işlər orqanlarına işə göndərilmişdir. 1977–1983-cü illərdə Azərbaycan SSR Daxili İşlər Nazirliyi Əməliyyat, Statistik İnformasiya İdarəsinin rəis müavini, 1983–1987-ci illərdə həmin idarənin rəisi, 1987–1990-cı illərdə Gəncə Şəhər Daxili İşlər İdarəsinin rəisi, 1991–1992-ci illərdə Azərbaycan Respublikası Daxili İşlər Nazirliyi Tədris Mərkəzinin rəisi, 1993-cü ilin mart ayından Bakı şəhəri Sabunçu Rayon Polis İdarəsi rəisinin müavini, 1993-cü ilin iyul ayından Azərbaycan Respublikası Daxili İşlər Nazirliyi Mühafizə İdarəsinin rəisi, 1993–2001-ci illərdə Azərbaycan Respublikası Daxili İşlər nazirinin birinci müavini, 2001–2005-ci illərdə isə Azərbaycan Respublikası Daxili İşlər nazirinin müavini vəzifələrində çalışmışdır.

Qarabağ hadisələrində fəal iştirak etmiş, Toğana-Murovdağ yolunun çəkiliş üzrə qərargah rəisi olmuşdur. 2002-ci ildə "polis general-leytenantı" rütbəsi verilmiş, 2004-cü ildə isə "Azərbaycan Bayrağı" ordeni ilə təltif edilmişdir.

Zahid Dünyamalıyev 2009-cu il avqustun 10-da Bakı şəhərində vəfat etmişdir.[1]

İstinadlar redaktə

  1. "ZAHİD DÜNYAMALIYEV VƏFAT ETDİ". musavat.com (az.). İstifadə tarixi: 2024-03-24.

Mənbə redaktə

  • "Azərbaycanda Kim Kimdir" ensiklopedik məlumat kitabı. Bakı-1999.