Zakir Şəhriyaz
Ələsov Zakir Ələs oğlu (Zakir Şəhriyaz) (10 oktyabr 1954, Qızılgül kəndi) — şair, Azərbaycan Aşıqlar Birliyinin üzvü, "Qızıl qələm" mükafatı və "Ustad sənətkar" mükafatları laureatı. "Dərələyəz" qəzetində poeziya şöbəsinin müdiri.
| Zakir Şəhriyaz | |
|---|---|
| Zakir Ələs oğlu Ələsov | |
| Doğum adı | Zakir Ələsov |
| Doğum tarixi | |
| Doğum yeri | Qızılgül, Dərələyəz mahalı, Ermənistan SSR, SSRİ |
| Fəaliyyəti | yazıçı, şair, publisist |
| Üzvlüyü | |
Həyatı
redaktəZakir Şəhriyaz 10 oktyabr 1954-cü ildə Dərələyəz mahalının Qızılgül kəndində anadan olub[1]. 7 illik məktəbi doğma kəndində, orta məktəbi isə Qovuşuq kəndində bitirib.
1973-1975-ci illərdə hərbi xidmətdə olub. Hərbi xidmətdən sonra həyatını Bakı şəhəri ilə bağlayıb. 1975-ci ildə 79 saylı peşə məktəbinə daxil olub. 1975-1982-ci illərdə Bakı Kondisionerləri Zavodunda, 1982-ci ildən 2011-ci ilin dekabrına qədər isə Heydər Əliyev adına Bakı Dərin Özüllər Zavodunda işləmişdir.
18 yaşına qədər Dərələyəz mahalında yaşayan Zakir bədii yaradıcılığa orta məktəb illərindən başlayıb. Haqqında Azərbaycan Dövlət Radio və Televiziya Verilişləri Qapalı Səhmdar Cəmiyyətində "Xalq yaradıcılığı" baş redaksiyasında radio verilişlər hazırlanmışdır.
Azərbaycan Aşıqlar Birliyinin üzvü, "Qızıl Qələm" mükafatı diplomu və "Ustad sənətkar" ali jurnalist mükafatları laureatıdır. "Dərələyəz" qəzetində poeziya şöbəsinin müdiridir.[2]
Hal-hazırda Qaradağ rayonunun Sahil qəsəbəsində yaşayır və bədii yaradıcılığını müntəzəm davam etdirir.
Ailəsi
redaktəƏləs və Sonanın ailəsində doğulan Zakir Şəhriyaz 1979-cu ildə ailə həyatı qurub. 2 oğlu, 1 qızı və 5 nəvəsi var.
Məqalələri
redaktə- "Haqq deyənin, Haqdan əli üzülməz" (ön söz), Sərraf Şiruyə, "Seçilmiş əsərləri" VII cild, Bakı, Nurlan, 2011.
- "Ustad sənətinə yaxşı nəzər sal", Bütöv Azərbaycan qəzeti, №02(90), 19-25 yanvar 2011-ci il. səh.12.
- "Hu çəkib Allah desə", Bütöv Azərbaycan qəzeti, №20(152), 13-19 iyun 2012-ci il.
- "Sənətin sərrafı, sözün sərrafı", Bütöv Azərbaycan qəzeti, №31(163), 12-18 sentyabr 2012-ci il. səh.8.
- "Bəhmən həsrətiynən, Bəhmən eşqiynən", Bütöv Azərbaycan qəzeti, №42(174), 5-11 dekabr 2012-ci il. səh.7.
Kitabları
redaktə- "Yazanda elə yaz...", 1997.
- "Dərələyəz deyə-deyə", 2003.
- "El başına dolanardım bir vədə", Bakı, "Nurlan", 2009. 264 səh. 300 tiraj.
- "Söz gəlsə tutardım lələ dağları", Bakı, "SkyG", 2016. – 224 səh.
- "Hikmət xəzinəsi", Bakı, "Təknur", 2018. 200 səh. 200 tiraj.
Məsləhətçisi olduğu kitablar
redaktə- Aşıq Faxfur Ağbabalı, "Telli sazım"
- Eldar Ağbabalı, "Yada düşdü Ağbaba"
Redaktoru olduğu kitablar
redaktə- Tacir Səmimi, "Dingəm dinar"
- Tacir Səmimi, "Bu yan Ağbabadı, o yan Çıldır Qars" Bakı, Nurlan, 2007.
- Tacir Səmimi, "Ağbaba ziyarətgahları" Bakı, Nurlan-2008. 102 səh.
- Eldar Ağbabalı, "Köç"
- Sərraf Şiruyə, "Seçilmiş əsərləri" VII cild, Bakı, Nurlan, 2011.
- Tacir Səmimi, "Qaraçantada bir məscid vardı" Bakı, "Elm və təhsil"-2012. 108 səh., 500 tiraj.
İstinadlar
redaktə- ↑ Tacir Səmimi, "Dost sözü", "Bütöv Azərbaycan", №34(122), 5-11 oktyabr 2011. səh.13
- ↑ Buludxan Xəlilov. "Onun şeirləri həqiqətən doğulur" (az.). modern.az. 06.09.2017. 2017-10-27 tarixində arxivləşdirilib. İstifadə tarixi: 2017-10-27.