Zamik Rzayev
Zamik Rzayev (Zamik Rzayev Suleyman oğlu; 14 avqust 1989, İliç rayonu) — Azərbaycan Rəssamlıq Akademiyasının Heykəltəraşlıq kafedrasının müəllimi, Azərbaycan Rəssamlar İttifaqının üzvü, tanınmış heykəltaraş[1]
| Zamik Rzayev | |
|---|---|
| Doğum tarixi | 14 avqust 1989 (35 yaş) |
| Doğum yeri | |
 Vikianbarda əlaqəli mediafayllar | |
Həyatı
redaktəZamik Rzayev Suleyman oğlu 1989-cu ilin avqust ayının 14-ü Naxçıvan Muxtar Respublikasının, Şərur rayonunda anadan olmuşdur. 1996-cı ildə Bakı şəhərinin Səbail rayonun 51 saylı orta məktəbində təhsilə başlamış, 2005-ci ildə 9 illik təhsilini tamamlamışdır. 2006-cı ildə Əzim Əzimzadə adına rəssamlıq kollecinin heykəltaraşlıq fakültəsinə qəbul olmuş, 2010-cu ildə təhsilini başa vurmuşdur. 2011-ci ildə Azərbaycan Dövlət Rəssamlıq Akademiyasının heykəltaraslıq fakultəsinə daxil olmuş, 2015-ci ildə bakalavr təhsilini bitirmişdir. Eyni ildə akademiyanın magistr bölməsinə daxil olmuşdur. 2011-ci ildə "Crescent Beach Hotel" də keçirilən rəsm müsabiqəsində istirak etmişdir. 2007-ci il fevral ayının 2- da Azərbaycan İstiqlal Muzeyində keçirilən "Xocalı — qan yaddaşımız[2]" adlı sərgidə iştirak etmişdir. 2010-cu il martın 30-da Azərbaycan Istiqlal Muzeyində keçirilən "Susa bilmirəm[3]" adli sərgidə iştirak etmişdir. 2008-ci il, may ayının 12-də Azərbaycan Dövlət Flarmoniyasının binasında "İnsan alverinə yox dəyək" devizi altında keçirilən xeyriyyə marafonunda iştirak etmişdir. Dövlət Rəssamlıq Akademiyasının muzeyində keşirilmiş "AZNAR" adlı sərgidə iştirak etmişdir. 2014-cü il, avqustun 20-də Azərbaycan Respublikasının Prezidenti yanında Gənclər Fondunun maliyyə dəstəyi ilə İçərişəhər, Kiçik Qala küçəsində yerləşən açıq səma altındakı sərgi mərkəzində "Yaşayan tarix" adlı, heykəltaraşlıq üzrə portret musabiqəsinin, 2014-ci ildə "Küknar " musabiqəsinin iştirakçısı olmuş, 2015-ci ildə Moskvada keçirilən simpozyumda iştrak etmişdir. 2016-cı ilde İtaliya səfirliyinin təşkil etdiyi "Futurizm" sərgisində iştirak etmişdir. 2015-ci ildə Rəssamlar Ittifaqının gənclər bölməsinə üzv olmuşdur. 2017-ci ildə magistraturanı bitirmiş və həmin il Azərbaycan Dövlət Rəssamlıq Akademiyasında müəllim kimi fəaliyyətə başlamışdır 2018-ci il, fevralın 2-də Gənclər günü münasibəti ile mükafata layiq görülmüşdür. Elə həmin ildə Judo federasiyasının keçirdiyi qrup sərgisində iştirak etmişdir. 2019 cu ildə Danimarkada keçirilən portret sərgisinin iştirakçisi olmuşdur. 2016-cı il, Aprel döyüşlərində şəhid olmuş Samir Kaçayevin xatirə lövhəsinin müəllifidir. 2019-cu ilin ilin sentyabr ayında Azərbaycanın yəhudi əsilli Milli Qəhrəmanı, Qarabağ müharibəsi iştirakçısı, Albert Aqarunova Bakı şəhərində qoyulmuş heykəlin müəlliflərindəndir.
İstinadlar
redaktə- ↑ "Albert Aqarunovun heykəlinin müəllifləri qonorardan imtina ediblər". 2019-11-23 tarixində arxivləşdirilib. İstifadə tarixi: 2019-11-23.
- ↑ QAN YADDAŞIMIZ -XOCALI FACİƏSİNƏ HƏSR LUNMUŞ SƏRGİ AÇILMIŞDIR
- ↑ "İstiqlal Muzeyində 31 mart soyqırımına həsr olunmuş sərgi keçirilib". 2019-11-23 tarixində arxivləşdirilib. İstifadə tarixi: 2019-11-23.