Çingiz Aytmatovun abidəsi (Bakı)
Çingiz Aytmatovun abidəsi — Azərbaycanın paytaxtı Bakı şəhərində yazıçı, qırğız ədəbiyyatının görkəmli nasiri, diplomat və ictimai xadim Çingiz Aytmatovun xatirəsinə ucaldılmış abidə[2]
| Çingiz Aytmatovun abidəsi | |
|---|---|
.jpg) | |
| Ölkə | Azərbaycan |
| Yerləşir | Bakı |
| Ünvan | Binəqədi rayonu Süleyman Sani Axundov küçəsi və Binəqədi şossesinin kəsişməsindəki park |
| Heykəltaraş | Natiq Əliyev |
| Memar | Malik Babayev[1] |
| Sifarişçi | Azərbaycan Prezidenti |
| Tikilib | 2024 |
| Hündürlüyü | 3 metr |
| Həsr olunub | Çingiz Aytmatov |
| Material | bürünc |
| Saxlanıldığı yer | |
Haqqında
redaktəÇingiz Aytmatovun xatirəsinin əbədiləşdirilməsi məqsədilə Bakıda ucaldılan abidənin eskiz layihələrinin hazırlanması üçün Mədəniyyət Nazirliyi tərəfindən 2023-cü il iyunun 15-dən iyulun 31-dək heykəltaraşlar arasında açıq müsabiqə elan edilib. Müsabiqəyə ölkəmizin heykəltaraşları tərəfindən 21 əsər təqdim olunub.
2023-cü ildə 8 avqustda təsdiq olunmuş işlərin dəyərləndirilməsi və müsabiqənin yekun nəticələrinin müəyyən olunması məqsədilə Azərbaycan Respublikası Mədəniyyət Nazirliyinin nəzdində fəaliyyət göstərən Ekspert Komissiyası tərəfindən qaliblər seçilib. Birinci yerə Xalq rəssam Natiq Əliyevin hazırladığı eskiz layihəsi layiq görülüb.
Çingiz Aytmatovun bürüncdən hazırlanmış, hündürlüyü 3 metrə yaxın olan heykəlin çəkisi təqribən 6 tondur. Abidənin önündə Azərbaycan və ingilis dillərində hazırlanan müvafiq məlumat lövhəsi quraşdırılıb.
Açılışı
redaktə24 aprel 2024-cü il tarixində Azərbaycan Prezidenti İlham Əliyev və Qırğız Respublikasının Prezidenti Sadır Japarov abidənin açılış mərasimində iştirak ediblər. [3]
Həmçinin bax
redaktəİstinadlar
redaktə- ↑ Mədəniyyət TV. "Görkəmli qırğız yazıçısı Çingiz Aytmatovun Bakıda abidəsi ucaldılıb" (az.). Youtube.com. 29.04.2024. 2024-04-29 tarixində arxivləşdirilib. İstifadə tarixi: 2024-04-29.
- ↑ Prezident İlham Əliyev və Prezident Sadır Japarov Bakıda Çingiz Aytmatovun abidəsinin açılış mərasimində iştirak ediblər
- ↑ "Prezidentlər Aytmatovun abidəsinin açılış mərasimində". 2024-04-24 tarixində arxivləşdirilib. İstifadə tarixi: 2024-04-24.