Çino da Pistoya
Çino da Pistoya (1270[1][2][…], Pistoya, Toskana[4] – 1336[1][3][…], Pistoya, Toskana[4]) — italyan hüquqçusu və şair.
| Çino da Pistoya | |
|---|---|
| it. Cino da Pistoia | |
 | |
| Doğum tarixi | 1270[1][2][…] |
| Doğum yeri | |
| Vəfat tarixi | 1336[1][3][…] |
| Vəfat yeri | |
| Uşağı | 5 |
| Təhsili | |
| Fəaliyyəti | şair-vəkil[d], universitet müəllimi[d], şair |
 Vikianbarda əlaqəli mediafayllar | |
Həyatı
redaktəÇino da Pistoya Toskana ştatının Pistoyya şəhərində anadan olub. Atası sinibaldi nəslindən olan nəcib bir insan idi. Doktorluq dərəcəsini Bolonya universitetində alıb. Çino da Pistoya da siyasi partiyaların mübarizəsində iştirak etmiş, rəqibləri qalib gəldiyi zaman sürgünə getməyə məcbur olmuşdur. Bu dövrdə onun Dante ilə dostluğu daha da möhkəmlənmişdir. Onları sadəcə olaraq yalnız poeziya birləşdirmirdi: şəhər çəkişmələrinin fövqündə dayanaraq bu şairlər bütün İtaliyaya sülh gətirə biləcək gücü axtarır və hər ikisi ümidlərini imperator lV Henrixə bağlayırdı. Çino ölən zaman, sonralar xüsusilə məşhur olan bir kansonunda deyir ki, bu ölümlə "hər cür ədalət öldü…".
Yaradıcılığı
redaktəÇino özünün ictimai düşüncələrini şeirlərində deyil, mühazirələrində və hüquqa aid elmi əsərlərində ifadə etmişdir. Məşhur hüquqşünas olan Çino da Pistoya Bolonya, Siena Florensiya, Peruci və Neapol universitetlərində mühazirələr oxumuş, kilsənin dünyəvi hakimiyyətinin məhdudlaşmasını qəti şəkildə tələb etmişdir. Çino da Pistoyanın çox saylı şeiri qalmışdır. O dilin saflığı və ritmlərin harmoniyası ilə seçilən 200-ə yaxın lirik şeir yazıb, onların əksəriyyəti sevdiyi qadına həsr olunub. Əsasən məhəbbət mövzusunda əsərlər yazmışdır. Onun sevgilisinin adı Selvaca(adamayovuşmaz)idi və bu onun təxəllüsü senhal deyil, əsil adı idi. Dante Aligyeri Çinonu "daha gözəl, şirin və zərif şeirlər yazan şair adlandırır və deyir ki, o, məhəbbət mövzusunu hamıdan yaxşı qələmə alır. Covanni Bokkaçço onu Dante və Kavalkanti ilə bir sıraya qoyur. Françesko Petrarka və Polisiano isə belə hesab edirlər ki, Çino özündən əvvəl gələn bütün şairlərdən daha yaxşı məhəbbət şeirləri yazmışdır.[5]
Həmçinin bax
redaktəİstinadlar
redaktə- ↑ 1 2 3 4 CINO DA PISTOIA // Encyclopædia Universalis (fr.). Encyclopædia Britannica, 1968.
- ↑ 1 2 Cino da Pistoia // Autoritats UB.
- ↑ 1 2 Cino da Pistoia // Brockhauz Ensiklopediyası (alm.).
- ↑ 1 2 3 4 Archivio Storico Ricordi. 1808.
- ↑ Cəlil Nağıyev. Qərbi Avropa Ədəbiyyatı. 2019. 214, 215.