Ülvi Quliyev (tam adı: Quliyev Ülvi Zahid oğlu, 17 sentyabr 1966 (1966-09-17) (53 yaş), Bakı) — Azərbaycan Respublikası Milli Məclisinin deputatı[1], Gənclər və idman,Səhiyyə komitəsinin üzvü, Azərbaycan Karate-do Federasiyaları Assosiasiyasının prezidenti.[2]

Ülvi Quliyev
Quliyev Ülvi Zahid oğlu
Ülvi Quliyev.jpg
bayraqAzərbaycan Respublikası Milli Məclisinin deputatıbayraq
2005 — bu günə kimi
bayraqAzərbaycan Karate-do federasiyaları Assosasiyasının Prezidentibayraq
1992 — bu günə kimi
Şəxsi məlumatlar
Doğum tarixi 17 sentyabr 1966 (1966-09-17) (53 yaş)
Doğum yeri SSRİ SSRİ
Azərbaycan Azərbaycan SSR
Bakı
Atası Zahid Quliyev

HəyatıRedaktə

Ülvi Quiyev 17 sentyabr 1966-cı ildə Bakı şəhərində, professor Zahid Quliyevin ailəsində anadan olub. 1983-cü ildə Bakı şəhəri , Nəsimi rayonu 9 saylı orta məktəbi bitirmişdir. 1983-1988-ci illərdə Azərbaycan Dövlət Tibb Universitetinun əczaçılıq fakültəsini fərqlənmə diplomu ilə bitirmişdir. 1998-2002-ci illərdə Bakı Dövlət Universitetinin hüquq fakültəsini bitirmişdir. Rus və ingilis dillərini bilir[3].

FəaliyyətiRedaktə

İdman fəaliyyətiRedaktə

Karate idman növü üzrə VII Dan qara kəmər sahibi[4], Karate idman növü üzrə Avropa və Dünya çempionudur.[5] Azərbaycan Respublikasının "Əməkdar İdman ustası", Azərbaycan Respublikasının "Əməkdar Məşqçi", Azərbaycan Respublikasının Prezidentinin 2008-ci il 5 mart tarixli Sərəncamı ilə "Əməkdar Bədən Tərbiyəsi və İdman Xadimi"fəxri adına layiq görülüb.[4] 1992-1997-ci illərdə Azərbaycan Respublikası Karate-do Federasiyasının Prezidenti, 1997-ci ildən Azərbaycan Karate-do Federasiyaları Assosiasiyasının prezidentidir.[2]

İctimai fəaliyyətiRedaktə

1988-ci ildən aptekdə provizor, baş provizor, aptek müdiri işləmişdir.[6] 2002-ci ildən Dövlət Gömrük Komitəsinin şöbə rəisi[6], 2005-ci ildə “Gömrükçü” İdman Sağlamlıq Mərkəzi baş direktorunun müavini(Gömrük Xidməti, Polkovnik-Leytenantı) vəzifələrində çalışmışdır.[6]

2005-ci ildə 21 saylı Nəsimi 1-ci seçki dairəsindən (III çağırış- Hüquq siyasəti və dövlət quruculuğu komitəsinin üzvü)[6], 2010-cu ildə 17 saylı Yasamal 3-cü seçki dairəsindən(IV çağırış- Hüquq siyasəti və dövlət quruculuğu komitəsinin üzvü)[7], 2015-cu ildə 15 saylı Yasamal 1-ci seçki dairəsindən (V çağırış)deputat seçilib və Gənclər və idman komitəsinin sədr müavini vəzifəsində çalışıb.[6] 2018-ci ildə Gənclər və idman komitəsinin Sədri seçilmişdir. 2020-ci ildə 15 saylı Yasamal 1-ci seçki dairəsindən (VI çağırış -Gənclər və idman komitəsinin,Səhiyyə komitəsinin üzvü) deputat seçilmişdir.

Azərbaycan-Meksika parlamentlərarası əlaqələr üzrə işçi qrupunun rəhbəri, Almaniya Federativ Respublikası, Belçika, Böyük Britaniya, Çexiya, Koreya, Peru, RusiyaTürkiyə parlamentləri ilə əlaqələr üzrə işçi qruplarının üzvüdür.

Avronest Parlament Assambleyasında Azərbaycan nümayəndə heyətinin üzvüdür. Bitərəfdir.[8]

Şəxsi həyatıRedaktə

Evlidir, 2 övladı var. Dilçilik elimləri doktoru, professor Zahid Quliyevin oğludur.

İstinadlarRedaktə

  1. Türksoy, Günel (31.05.2018). "Ülvi Quliyev komitə sədri seçildi". qafqazinfo.az. İstifadə tarixi: 17 avqust 2018.
  2. 1 2 "AKFA-nın prezidenti, millət vəkili Ülvi Quliyev karateçilərimizlə təlim-məşqlərdə". İstifadə tarixi: 17 avqust 2018.
  3. DEPUTAT ÜLVİ QULİYEV DAİRƏSİNİ DƏYİŞİB NAMİZƏD OLDU
  4. 1 2 "Azərbaycan Milli Karate Federasiyasının İdarə heyəti". karate.az. İstifadə tarixi: 17 avqust 2018.
  5. ""İnsanlara yanlış məlumat verirlər" – Ülvi Quliyev". aznews.az. 12 Mart 2015. İstifadə tarixi: 17 avqust 2018.
  6. 1 2 3 4 5 "Quliyev Ülvi Zahid oğlu – Milli Məclisin deputatı, hüquq siyasəti və dövlət quruculuğu komitəsinin üzvü, Azərbaycan Karate-do Federasiyaları Assosiasiyasının prezidenti". yasamal-ih.gov.az. İstifadə tarixi: 17 avqust 2018.
  7. Javadov, Samir (April 13, 2017). "Millət vəkili Ülvi Quliyev tərəfindən IV İslam Həmrəyliyi Oyunlarında iştirak edəcək idmançılarımıza dəstək". karabin.az. İstifadə tarixi: 17 avqust 2018.
  8. "15 saylı Yasamal birinci seçki dairəsi". meclis.gov.az. Azərbaycan Respublikası Milli Məclisi. İstifadə tarixi: 17 avqust 2018.

Xarici keçidlərRedaktə