İbrahim Topçubaşov

İbrahim Topçubaşov (ing. Topçubaşov İbrahim Mustafa oğlu; 5 noyabr 1924, Bakı – 23 fevral 1970, Bakı) — Azərbaycan görkəmli alimi, tibb elmləri doktoru, professor.

İbrahim Topçubaşov
İbrahim Mustafa oğlu Topçubaşov
Doğum tarixi	5 noyabr 1924(1924-11-05)
Doğum yeri	Bakı, Bakı qəzası, Azərbaycan SSR, ZSFSR, SSRİ
Vəfat tarixi	23 fevral 1970(1970-02-23) (45 yaşında)
Vəfat yeri	Bakı, Azərbaycan SSR, SSRİ
Vətəndaşlığı	SSRİ
Həyat yoldaşı	Flora Kərimova
Atası	Mustafa Topçubaşov
Anası	Reyhan Topçubaşova
Elm sahəsi	Tibb
Elmi dərəcəsi	tibb elmləri doktoru
Elmi adı	Professor
Alma-mater	Azərbaycan Tibb İnstitutu
Təhsili	Azərbaycan Tibb Universiteti

Həyatı

İbrahim Topçubaşov 7 noyabr 1924-cü ildə Bakıda anadan olub. 1950-ci ildə Azərbaycan Tibb İnstitutunu bitirdikdən sonra Quba rayonunda və Maştağa rayon xəstəxanasında cərrah işləyib. 1958-ci ildən Azərbaycan Tibb İnstitutunda cərrahiyyə kafedrasında fəaliyyətə başlayıb. 1961-ci ildə doktorluq dissertasiyası müdafiə edib.

Fəaliyyəti

Professor Topçubaşov təbabətin ən mühüm məsələlərinə həsr edilmiş yüzdən cox elmi əsərin müəllifidir. Onun əsərləri Çexoslovakiyada, Polşada, Bolqarıstanda, Türkiyədə, Yaponiyada çap edilib. Həssas qəlbli insan və qayğıkeş alim həm də bəstəkar kimi tanınıb. O, bir cox lirik mahnının müəllifidir.

Ailəsi

İbrahim Topçubaşovun atası görkəmli akademik Mustafa Topçubaşov, anası isə Azərbaycan SSR-in əməkdar incəsənət xadimi, rəssam Reyhan Topçubaşova olub. Ceyhun Topçubaşovun atasıdır.

Flora Kərimova ilə ailəli olub.

Filmoqrafiya

• Respublikamın adamları (film, 1964)

Xarici keçidlər

• Paşa Qəlbinur. "İbrahim Topçubaşov olduğu kimi (Esse)". 525-ci qəzet (az.). 525.az. 31.12.2012 14:36. İstifadə tarixi: 2014-06-24.