İki sahil

"iki sahil" — Gündəlik ictimai-siyasi qəzet. Təsisçisi Azərbaycan Respublikası Dövlət Neft Şirkətidir (SOCAR). Qəzetin Baş redaktoru Vüqar Rəhimzadədir.

iki sahil
Növ	Gündəlik ictimai-siyasi qəzet
Format	A3
Təsisçi	SOCAR
Baş redaktor	Vüqar Rəhimzadə
Yaranma tarixi	10.07.1991
Dil	Azərbaycan dili
Qiymət	0.60 azn
Səhifə	8
Ünvan	Bakı ş. H.Zərdabi prospekti, 88
Tiraj	5913
www.ikisahil.az

Yaranma tarixi

Azərbaycan mətbuatının formalaşmasında öz yeri olan "iki sahil" qəzetinin ilk nömrəsi 1991-ci il 10 iyul tarixində işıq üzü görüb.

Fəaliyyəti

"iki sahil" qəzeti nəşrə başladığı dövrdən bir missiyanı yerinə yetirib. Müstəqilliyin ilk illərində Azərbaycanın böyük problemlərlə üzləşməsi, xalqın Ulu Öndər Heydər Əliyevə çağırışı, ölkəmizin ictimai-siyasi həyatında mühüm rol oynayan Yeni Azərbaycan Partiyasının yaradılması ilə bağlı məşhur "91-lər"in Ümummilli Liderə müraciəti və bu müraciətə Ulu Öndərin cavabını öz səhifələrində dərc edən ilk mətbu nəşrlərdən biri "iki sahil" olub. Heydər Əliyev Yeni Azərbaycan Partiyasının yaradılmasının 2-ci ildönümü münasibətilə keçirilən ümumrespublika müşavirəsində "iki sahil" qəzeti haqqında deyib:

O vaxt "İki sahil" qəzeti yaranmışdı. Mən hesab edirəm ki, bu qəzet də çox iş görmüşdür. Bu qəzet indi də Yeni Azərbaycan Partiyasına xidmət edir. Amma o vaxt bu partiya yox idi, lakin "İki sahil" qəzeti çox cəsarətli məqalələr verirdi. Mən təkcə Naxçıvanı götürmürəm, ədalətsiz hadisələrə qarşı Azərbaycanın ayrı-ayrı vətəndaşlarının, ziyalılarının fikrini dərc etməkdə bu qəzet yaxşı fəaliyyət göstərmişdir, indi də göstərir. Mən bunu da yüksək qiymətləndirirəmHeydər Əliyev

Fəaliyyətinin əsas prinsipi

• Ümummilli Lider Heydər Əliyevin adı ilə bağlı olan Yeni Azərbaycan Partiyasının Proqram və Nizamnaməsinə uyğun olaraq atdığı addımlar;
• Prezident İlham Əliyevin yeniliyi, təkmilləşməni özündə ehtiva edən siyasəti nəticəsində qazanılan uğurlar;
• SOCAR-ın və onun strukturlarının gördüyü işlər;

Təsisçisi

Qəzet SOCAR-ın təsisçiliyi ilə fəaliyyət göstərir. "İki sahil" şirkətin və onun strukturlarının həyata keçirdiyi tədbirləri, nəticələrini operativ şəkildə ictimaiyyətə çatdırır.

Xarici keçidlər

• "İki sahil" qəzetinin nəşrə başlamasından 30 il ötür". report.az. İstifadə tarixi: 17 iyl 2024.
• "Zəfərli günlərimizin müjdəçilərindən olan 30 yaşlı "İki sahil". yap.org.az. İstifadə tarixi: 17 iyl 2024.
• "İki sahil" qəzetinin loqosundan istifadə edərək saxtakarlıq edənlər qanun qarşısında məsuliyyət daşıyırlar". yap.org.az. İstifadə tarixi: 17 iyl 2024.

Xarici keçidlər

• Rəsmi saytı
• Rəsmi İnternet Televiziya saytı
• Rəsmi Telegram hesabı