İlkin Rzayev
İlkin Cəfər oğlu Rzayev (28 iyul 1984, Əlikli, İliç rayonu – 2 oktyabr 2020, Murovdağ) — Azərbaycan Silahlı Qüvvələrinin mayoru, "Murov aslanı" ləqəbi ilə tanınan Vətən Müharibəsi şəhidi.
| İlkin Rzayev | |
|---|---|
 | |
| Şəxsi məlumatlar | |
| Ləqəbi | Murov aslanı |
| Doğum tarixi | 28 iyul 1984 |
| Doğum yeri | |
| Vəfat tarixi | 2 oktyabr 2020 (36 yaşında) |
| Vəfat yeri | |
| Dəfn yeri | |
| Vətəndaşlığı | |
| Hərbi fəaliyyəti | |
| Mənsubiyyəti |
 Azərbaycan Ordusu |
| Qoşun növü |
 Quru Qoşunları |
| Rütbəsi | Mayor |
| Döyüşlər | İkinci Qarabağ müharibəsi |
| Təltifləri |
         |
Həyatı
redaktəMayor Rzayev İlkin Cəfər oğlu[1] 1984-cü il iyulun 28-də Şərur rayonu Ələkli kəndində anadan olub.[2] O, orta təhsilini 1990–1995-ci illərdə Suraxanı rayonu 270 nömrəli məktəbdə, 1995–2001-ci ildə isə Nizami rayonu 250 nömrəli məktəbdə alıb. 2002-ci ildə Heydər Əliyev adına Azərbaycan Ali Hərbi Məktəbinə daxil olur. 2006-cı ildə hərbi məktəbi bitirərək "Leytenant" rütbəsini alır.
Ailəsi
redaktəAiləlidir, Nur və Əli adında iki övladı var.[3]
Hərbi xidməti
redaktə2006–2007-ci ildə Azərbaycan Respublikasının Müdafiə Nazirliyinin Təlim Tədris Mərkəzində zabit kimi təkmilləşdirmə kursunu keçərək, Azərbaycan Ordusunda xidmətə başlamışdır.[4] 2009-cu ildə "Baş Leytenant",[5] 2013-cü ildə "Kapitan", 2017-ci ildə isə "Mayor" rütbəsinə yüksəlir. İlkin Rzayev hərbi xidməti zamanı daim yüksək hərbi bacarıqlarına görə fərqlənmişdir. 2016-cı ildə Aprel döyüşlərində də aktiv fəaliyyəti olmuşdur. Azərbaycan Ordusunun Mayoru olan İlkin Rzayev 2020-ci il sentyabrın 27-də Azərbaycan Silahlı Qüvvələri tərəfindən Ermənistan işğalı altında olan ərazilərin azad edilməsi uğrunda başlanan Vətən Müharibəsində iştirak etmiş və döyüşdə öz qəhrəmanlığı, qətiyyəti ilə fərqlənmişdir. Onun son vəzifəsi "Döyüş hazırlığı bölmə rəisi" olmuşdur. O, təxminən 40 nəfərə yaxın şəxsi heyəti olan qrupu mühasirədən xilas edərək 2 oktyabr 2020-ci ildə Murovdağ uğrunda gedən döyüşlərdə şəhid olur.[6] İkinci Fəxri Xiyabanda dəfn edilib.
Azərbaycanın ərazi bütövlüyünün təmin edilməsi uğrunda döyüş əməliyyatlarına qatılan və hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirdiyi üçün Azərbaycan Prezidenti İlham Əliyevin 24.06.2021-ci il tarixli sərəncamına əsasən İlkin Rzayev ölümündən sonra "Vətən uğrunda" medalı ilə təltif edildi.[7]
Azərbaycan Respublikasının ərazi bütövlüyünün bərpa edilməsi uğrunda gedən döyüş əməliyyatlarında şəhid olmuş Azərbaycan Respublikası Silahlı Qüvvələrinin hərbi qulluqçularının təltif edilməsi haqqında Azərbaycan Prezidenti İlham Əliyevin 05.11.2021-ci il tarixli sərəncamına əsasən İlkin Rzayev ölümündən sonra "Azərbaycan Bayrağı" ordeni ilə təltif edildi.[8]
Azərbaycanın Kəlbəcər rayonunun işğaldan azad edilməsi uğrunda aparılan döyüş əməliyyatlarına qatılaraq şəxsi igidliyi və şücaəti nümayiş etdirdiyinə görə Azərbaycan Prezidenti İlham Əliyevin 05.11.2021-ci il tarixli sərəncamına əsasən İlkin Rzayev ölümündən sonra "Kəlbəcərin azad olunmasına görə" medalı ilə təltif edildi.[9]
Dövlət təltifləri
redaktə
(2008) — "Azərbaycan Silahlı Qüvvələrinin 90 illiyi" yubiley medalı
(2013) — "Azərbaycan Silahlı Qüvvələrinin 95 illiyi" yubiley medalı
(2018) — "Azərbaycan Ordusunun 100 illiyi" yubiley medalı
— "Qüsursuz xidmətə görə" 3-cü dərəcəli medalı
— "Qüsursuz xidmətə görə" 2-ci dərəcəli medalı
— "Hərbi xidmətdə fərqlənməyə görə" 3-cü dərəcəli medalı
(24.06.2021) — "Vətən uğrunda" medalı (ölümündən sonra)
(05.11.2021) — "Azərbaycan Bayrağı" ordeni (ölümündən sonra)
(05.11.2021) — "Kəlbəcərin azad olunmasına görə" medalı (ölümündən sonra)
.svg){kind=small}
.svg){kind=small}
Xarici keçidlər
redaktə- "Murov Aslanı", mayor İlkin Rzayev Fəxri Xiyabanda dəfn olundu — YouTube platformasında
- Qazi atanın şəhid oğlu, mayor İlkin Rzayev — YouTube platformasında
İstinadlar
redaktə- ↑ ""Murov Aslanı", mayor İlkin Rzayev Fəxri Xiyabanda dəfn olundu". 2022-01-20 tarixində arxivləşdirilib. İstifadə tarixi: 2021-01-06.
- ↑ MUROV ASLANI ŞƏHİD MAYOR İLKİN RZAYEV [ölü keçid]
- ↑ "Qazi atanın şəhid oğlu, mayor İlkin Rzayev — Döyüş yoldaşları "Murov aslanı" çağırırlarmış". 2022-01-22 tarixində arxivləşdirilib. İstifadə tarixi: 2021-01-06.
- ↑ "Şəhid İlkin Rzayev". 2022-01-22 tarixində arxivləşdirilib. İstifadə tarixi: 2021-01-06.
- ↑ Qazi atanın şəhid oğlu, mayor İlkin Rzayev — Döyüş yoldaşları "Murov aslanı" çağırırlarmış [ölü keçid]
- ↑ Qazi atanın şəhid oğlu, mayor İlkin Rzayev
- ↑ Azərbaycan Prezidentinin saytı. "Azərbaycan Silahlı Qüvvələrinin hərbi qulluqçularının "Vətən uğrunda" medalı ilə təltif edilməsi haqqında Azərbaycan Prezidentinin 24.06.2021-ci il tarixli Sərəncamı". www.president.az. 24.06.2021. 2021-06-27 tarixində arxivləşdirilib. İstifadə tarixi: 24.06.2021.
- ↑ Azərbaycan Prezidentinin rəsmi saytı. "Azərbaycan Respublikasının ərazi bütövlüyünün bərpa edilməsi uğrunda gedən döyüş əməliyyatlarında şəhid olmuş Azərbaycan Respublikası Silahlı Qüvvələrinin hərbi qulluqçularının təltif edilməsi haqqında Azərbaycan Respublikası Prezidentinin 05.11.2021-ci il tarixli Sərəncamı". www.president.az. 05.11.2021. 2021-11-05 tarixində arxivləşdirilib. İstifadə tarixi: 07.11.2021.
- ↑ Azərbaycan Prezidentinin saytı. "Azərbaycan Respublikasının ərazi bütövlüyünün bərpa edilməsi uğrunda gedən döyüş əməliyyatlarında şəhid olmuş Azərbaycan Respublikası Silahlı Qüvvələrinin hərbi qulluqçularının təltif edilməsi haqqında Azərbaycan Respublikası Prezidentinin Sərəncamı". www.president.az. 05.11.2021. 2021-11-05 tarixində arxivləşdirilib. İstifadə tarixi: 05.11.2021.