İmamverdi Həmidov

İmamverdi Yavər oğlu Həmidov (1 yanvar 1941, Bala Kolatan, Masallı rayonu) — Azərbaycan Milli Elmlər Akademiyası Nizami Gəncəvi adına Ədəbiyyat İnstitutu Qədim dövr Azərbaycan ədəbiyyatı şöbəsinin müdiri, professor, filologiya elmləri doktoru.

İmamverdi Həmidov
İmamverdi Yavər oğlu Həmidov
Doğum tarixi	1 yanvar 1941(1941-01-01) (84 yaş)
Doğum yeri	Bala Kolatan, Masallı rayonu, Azərbaycan SSR, SSRİ
Vətəndaşlığı	SSRİ→ Azərbaycan
Milliyyəti	azərbaycanlı
Elmi adı	professor
İş yeri	Nizami Gəncəvi adına Ədəbiyyat İnstitutu
Elmi rəhbəri	Ələsgər Məmmədov

Həyatı

İmamverdi Həmidov 1941-ci il yanvarın 1-də Azərbaycan Respublikası Masallı rayonunun Bala Kolatan kəndində anadan olmuşdur.

Ümumi təhsili

İbtidai, yeddiillik və orta təhsilini müvafiq olaraq rayonun Bala Kolatan, Böyük Kolatan və Bədəlan kənd məktəblərində almışdır.

İxtisas, ali və elmi təhsili

• 1957-1959-cu illərdə Bakı Statistika Texnikumunda oxumuş və iqtisadçı ixtisası üzrə oranı fərqlənmə diplomu ilə bitirmişdir.
• 1960-1965-ci illərdə Azərbaycan Dövlət Universitetinin Şərqşünaslıq fakültəsinin ərəb şöbəsində oxumuş və oranı filoloq, ərəb dili tərcüməçisi, ərəb və Azərbaycan dili müəllimi ixtisası üzrə fərqlənmə diplomu ilə bitirmişdir.
• 1966-cı ildə Azərbaycan Elmlər Akademiyası Nizami adına Ədəbiyyat İnstitutunun aspiranturasına qəbul olunmuşdur.
• 1967-ci ildə Sovet İttifaqı Elmlər Akademiyasının Şərqşünaslıq İnstitutunun (Moskva şəhəri) aspiranturasına keçirilmişdir.
• 1967-1968-ci illərdə Həmin institutun aspirantı olmuşdur.

Əmək fəaliyyəti

• 1959-1960-cı illərdə Masallı rayonunun Qodman kəndindəki kolxozda iqtisadçı vəzifəsində işləmişdir.
• 1969-1973- Azərbaycan Elmlər Akademiyası Ədəbiyyat institutunun böyük elmi işçisi
• 1973-1976– Ədəbiyyat İnstitutunun elmi katibi
• 1980–1985– Ədəbiyyat institutunda böyük elmi işçi.
• 1990-1997- Ədəbiyyat İnstitutunda böyük elmi işçi
• 1997-ci ildən indiyə kimi – Azərbaycan Milli Elmlər Akademiyası Nizami Gəncəvi adına Ədəbiyyat İnstitutu Qədim dövr Azərbaycan ədəbiyyatı şöbəsinin müdiri
• 2017-ci ildən “METAFİZİKA” beynəlxalq fəlsəfi və fənlərarası araşdırmalar jurnalının 14-cü sayından jurnalın “Filologiya və Pedaqogika elmləri” üzrə redaksiya heyətinin üzvüdür.

Dissertasiya müdafiəsi

• 1970-ci ildə “İbn Quteybə Dinəvəri” mövzusunda “Asiya və Afrika xalqları ədəbiyyatı” ixtisası üzrə filologiya elmləri namizədi dissertasiyası müdafiə etmişdir.
• 2009-cu ildə filologiya üzrə elmlər doktoru elmi dərəcəsi almaq üçün Ərəb ədəbiyyatı və Azərbaycan ədəbiyyatı ixtisasları üzrə “Ərəb ədəbiyyatşünaslığında Azərbaycan ədəbiyyatı klassiklərinin öyrənilməsi problemləri” mövzusunda doktorluq dissertasiyası müdafiə etmişdir.

Dil bilikləri

• Azərbaycan dili––sərbəst
• Rus dili––sərbəst
• Ərəb dili––sərbəst
• Talış dili––sərbəst

Elmi əsərləri

• Əsərlərinin ümumi sayı 113
• O cümlədən monoqrafiya və kitabları 9
• Beynəlxalq jurnallarda çap olunmuş əsərlərinin sayı 31

Əlavə əmək fəaliyyəti

• 1963-1964- Yəmən Ərəb Respublikasında təcrübə keçmiş və ərəb dili tərcüməçisi işləmişdir.
• 1975-1979– Yəmən Xalq Demokratik Respublikasında ərəb dili tərcüməçisi işləmişdir.
• 1985-1989 – İraq Respublikasında ərəb dili tərcüməçisi işləmişdir.
• 1998-2010-Bakıdakı Misir Mədəniyyət mərkəzində ərəb dili müəllimi

AMEA-dan xaricdə əmək fəaliyyəti

• 2004-2011-Bakı Dövlət Universitetində ərəb dili və ədəbiyyatı müəllimi (saat hesabı)
• 1998-2000- “Nizami Gəncəvi” jurnalında Ədəbiyyat şöbəsinin müdiri
• 2001-2011-Bakı Asiya Universitetində ərəb dili və ədəbiyyatı müəllimi (0,5 ştat)

Elmi kadr hazırlığı

– 3 nəfər elmlər doktoru hazırlığı üzrə məsləhətçi, 4 nəfər fəlsəfə doktoru hazırlığı üzrə elmi rəhbər

Yaradıcılıq birliyində fəaliyyəti

– 2009-cu ildən Azərbaycan Yazıçılar Birliyinin üzvü