İntiqam Abdullayev
İntiqam Allahverdi oğlu Abdullayev (12 avqust 1998; Düylün, Ordubad rayonu, Azərbaycan; 2 oktyabr 2020; Murovdağ, Kəlbəcər rayonu) — Azərbaycan Silahlı Qüvvələrinin leytenantı, Vətən Müharibəsi şəhidi.[1]
| İntiqam Abdullayev | |
|---|---|
| İntiqam Allahverdi oğlu Abdullayev | |
 | |
| Şəxsi məlumatlar | |
| Doğum tarixi | |
| Doğum yeri | Düylün, Ordubad rayonu, Azərbaycan |
| Vəfat tarixi | (22 yaşında) |
| Vəfat yeri | Murovdağ, Kəlbəcər, Azərbaycan |
| Vəfat səbəbi | Şəhid olmuşdur |
| Dəfn yeri | Düylün, Ordubad rayonu, Azərbaycan |
| Vətəndaşlığı |
 Azərbaycan |
| Hərbi fəaliyyəti | |
| Mənsubiyyəti |
 Azərbaycan Ordusu |
| Qoşun növü |
 Quru Qoşunları |
| Xidmət illəri | 2016 – 2020 |
| Rütbəsi | Leytenant |
| Döyüşlər |
İkinci Qarabağ müharibəsi Murovdağ döyüşləri |
| Təltifləri |
  |
Həyatı və hərbi xidməti redaktə
İntiqam Abdullayev 12 avqust 1998-ci ildə Naxçıvan Muxtar Respublikası Ordubad rayonunun Düylün kəndində anadan olmuşdur.
Orta təhsilini şəhid Surxay Rzayev adına Düylün kənd məktəbində almışdır. 2013-cü ildə Heydər Əliyev adına Hərbi Liseyə daxil olmuşdu..Bununla da hərbi fəaliyyəti başlamışdı.O, 2016-cı ildə liseyi idman (voleybol) üzrə fərqlənmə dərəcəsi ilə bitirmiş, Heydər Əliyev adına Azərbaycan Ali Hərbi Məktəbinə qəbul olmuşdu.
Heydər Əliyev adına Azərbaycan Ali Hərbi Məktəbində oxuduğu müddətdə, öz sevimli idman məşğuliyyəti olan voleybolu davam etdirmişdi. Qatıldığı yarışlarda dəfələrlə fərqlənən İntqam Abdullayev, fərdi və komanda şəklində medallara, fəxri fərmanlara və fərqlənmələrə layiq görülmüşdü..Bununla yanası o Türkiyə və Gürcüstanda da keçirilən voleybol yarışlarında öz komandasının iştirakı ilə ard-arda iki dəfə qalibiyyətə imza atmışdı. Hər iki ölkədə də fərqlənən İntiqam Abdullayev, sonradan bu komandanın kapitanı kimi də çıxış etmişdi. İdmanla yanaşı öz hərbi ixtisasında da daim üçrəngli Azərbaycan bayrağını zirvələrdə tutan Abdullayev, 2020-ci ildə Azərbaycan Ali Hərbi Məktəbini "Motoatıcı" ixtisası üzrə bitirmişdir.
Heydər Əliyev adına Azərbaycan Ali Hərbi Məktəbini bitirdikdən sonra "leytenant" hərbi rütbəsi alan İntiqam Abdullayev dəfələrlə uğurlu əməliyyatlara imza atmış və böyük döyüş yolu keçmişdi. Qazax rayonunda yerləşən "N" saylı hərbi hissədə taqım komandiri vəzifəsinə təyin edilmişdi.
Daha xidmətinin 2-ci ayında olmasına baxmayaraq, leytenant Abdullayev "N" saylı Hərbi hissənin "Ən yaxşı Taqım Komandiri" adına layiq görülmüş və "N" saylı Hərbi hissənin briqada komandiri tərəfindən "Fəxri fərman" və qiymətli hədiyyə ilə mükafatlandırılmışdı.
Azərbaycan Ordusunun leytenantı olan İntiqam Abdullayev 2020-ci il sentyabrın 27-də Azərbaycan Silahlı Qüvvələri tərəfindən Ermənistan işğalı altında olan ərazilərin azad edilməsi və Azərbaycanın ərazi bütövlüyünün bərpa olunması üçün başlanan İkinci Qarabağ müharibəsində Murovdağ döyüşlərində iştirak etmişdir. 2 oktyabr 2020-ci il Murovdağ uğrundə gedən döyüşlərdə qəhrəmancasına həlak olmuşdur. İntiqam Abdullayevin cənazəsi uzun müddət düşmən tərəfdə qalır. O uzun müddət itkin düşmüş sayılır. Şəhadətindən 165 gün sonra onun şəhid xəbəri gəlir.
Ordubad rayonunun Düylün kəndində dəfn olunub.
Azərbaycanın ərazi bütövlüyünün təmin edilməsi uğrunda döyüş əməliyyatlarına qatılan və hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirdiyi üçün Azərbaycan Prezidenti İlham Əliyevin 24.06.2021-ci il tarixli Sərəncamına əsasən İntiqam Abdullayev ölümündən sonra "Vətən uğrunda" medalı ilə təltif edildi.[2]
Azərbaycanın Kəlbəcər rayonunun işğaldan azad edilməsi uğrunda aparılan döyüş əməliyyatlarına qatılaraq şəxsi igidliyi və şücaəti nümayiş etdirdiyinə görə Azərbaycan Prezidenti İlham Əliyevin 05.11.2021-ci il tarixli Sərəncamına əsasən İntiqam Abdullayev ölümündən sonra "Kəlbəcərin azad olunmasına görə" medalı ilə təltif edildi.[3]
Təltifləri redaktə
(24.06.2021) — "Vətən uğrunda" medalı (ölümündən sonra)[4]
(05.11.2021) — "Kəlbəcərin azad olunmasına görə" medalı (ölümündən sonra)[5]
.svg){kind=small}
İstinadlar redaktə
- ↑ "İkinci Qarabağ müharibəsində şəhid olan hərbi qulluqçuların siyahısı" (PDF). www.mod.gov.az (Azərbaycan Respublikası Müdafiə Nazirliyinin rəsmi saytı). 08.12.2020. 2021-02-27 tarixində arxivləşdirilib (PDF). İstifadə tarixi: 22.12.2020.
- ↑ Azərbaycan Prezidentinin saytı. "Azərbaycan Silahlı Qüvvələrinin hərbi qulluqçularının "Vətən uğrunda" medalı ilə təltif edilməsi haqqında Azərbaycan Prezidentinin 24.06.2021-ci il tarixli Sərəncamı". www.president.az. 24.06.2021. 2021-06-27 tarixində arxivləşdirilib. İstifadə tarixi: 24.06.2021.
- ↑ "Azərbaycan Silahlı Qüvvələrinin hərbi qulluqçularının "Vətən uğrunda" medalı ilə təltif edilməsi haqqında Azərbaycan Prezidentinin 15.12.2020-ci il tarixli Sərəncamı". 15.12.2020. 2020-12-15 tarixində arxivləşdirilib. İstifadə tarixi: 15.12.2020.
- ↑ Azərbaycan Dövlət İnformasiya Agentliyi. "Azərbaycan Silahlı Qüvvələrinin hərbi qulluqçularının "Vətən uğrunda" medalı ilə təltif edilməsi haqqında Azərbaycan Prezidentinin 24.06.2021-ci il tarixli Sərəncamı". www.azertag.az. 24.06.2021. 2021-06-27 tarixində arxivləşdirilib. İstifadə tarixi: 24.06.2021.
- ↑ Azərbaycan Prezidentinin rəsmi saytı. "Azərbaycan Respublikasının ərazi bütövlüyünün bərpa edilməsi uğrunda gedən döyüş əməliyyatlarında şəhid olmuş Azərbaycan Respublikası Silahlı Qüvvələrinin hərbi qulluqçularının təltif edilməsi haqqında Azərbaycan Respublikası Prezidentinin 05.11.2021-ci il tarixli Sərəncamı". www.president.az. 05.11.2021. 2021-11-05 tarixində arxivləşdirilib. İstifadə tarixi: 05.11.2021.