İvan Kostyakov

İvan Kostyakov və ya İvan Martınoviç Kostyakov (xakasca: Иван Мартынович Костяков, 5 dekabr 1916, Ağban piltiri aymağı, Qərbi Sibir vilayəti^[d] – 27 yanvar 1983) — Xakasiya şairi, yazıçısı, SSRİ Yazıçılar İttifaqının üzvü

İvan Martınoviç Kostyakov
Təxəllüsü	İvan Kostyakov
Doğum tarixi	5 dekabr 1916
Doğum yeri	Sinyavino ulusu, Ust-Abakan rayonu, Xakasiya
Vəfat tarixi	27 yanvar 1983 (66 yaşında)
Vətəndaşlığı	SSRİ
Milliyyəti	xakas türkü
Təhsili	Kansk Kooperativ Məktəbi
Fəaliyyəti	şair, yazıçı,
Fəaliyyət illəri	1930-cu illər
Əsərlərinin dili	xakasca, rusca
Janrlar	şeir, hekayə, esse
Mükafatları

Həyatı

İvan Matrınoviç Kostyakov 5 dekabr 1916-cı ildə Rusiyanın Yenisey quber-niyasının Sinyavino ulusunda (indiki Xakasiyanın Ust-Abakan bölgəsi) anadan olmuşdur.

Kansk şəhərində yeddiliik məktəbi və kooperativ məktəbi bitirmişdir.

İstehlakçı kooperasiya sistemində, sonra Askiz regional "Udarnik" qəzetində, daha sonra regional "Qızıl aal" (Хызыл аал) qəzetində çalışmışdır. İkinci Dünya müharibəsində iştirak etmişdir. Müharibədən sonra Sov. İKP Xakasiya vilayət komitəsinin təbliğat və təşviqat şöbəsində işləmişdir. Xakasiya Kitab Nəşriyyatına rəhbərlik etmişdir.

1939-cu ildən "Lenin yolu" (Ленин чолы) qəzetinin müxbiri kimi çalışmışdır.

Vəfatı

27 yanvar 1983-cü ildə vəfat etmişdir.

Yaradıcılığı

İvan Kostyakovun ilk əsərləri 1930-cu illərin sonunda nəşr olunmuşdur. Onun şeirləri "Yeni il küknarı" (Наа чыл елказы), "Yeni çöl" (Наа чазы), "Xoşbəxtlik nəğməsi" (Часка ыры) və s. kitablarda toplanmışdır. Uşaqlar üçün "Heyvanların izi ilə" (Ан чолларынча) "Mənim dostlarım" (Минін нанчыларым) hekayələr toplusu yazmışdır. İvan Kostyakovun müharibə və sevgidən bəhs edən "İpək kəmər" (Чібек хур) povesti ona şöhrət gətirmişdir. O, bir çox rus xalq mahnılarını xakas dilinə tərcümə etmişdir. Əsərlərini xakas və rus dillərində yazmışdır.

Onun bir çox şeirlərinə musiqi bəstələnmişdir.

Kitabları

Xakasca

• (Şeirlər). — Абакан, 1948. — 28 s.
• Наа чыл елказы (Yeni il küknarı): Uşaqlar üçün şeirlər. — Абакан, 1954. — 15 s.
• Наа чазы (Yeni çöl): Şeirlər toplusu. — Абакан, 1955. — 40 s.
• Часка ыры (Xoşbəxtlik nəğməsi): Şeirlər. — Абакан, 1959. — 53 s.
• Ан чолларынча (Heyvanların izi ilə): Uşaqlar üçün hekayələr. — Абакан, 1960. — 59 s.
• Чiбек хур (İpək kəmr): roman. — Абакан, 1966. — 222 s.
• Həm də. — 1989. — 232 s.
• (Seçilmiş şeirlər). — Абакан, 1970. — 57 s.
• Минiн нанчыларым (Mənim dostlarım): Hekayələr. — Абакан, 1971. — 119 s.
• Иртенгi салымча (Erkən səhər): Şeilər toplusu. — Абакан, 1981. — 80 s.

Rusca

• Даль степная: Стихи. — Красноярск: Кн. изд-во, 1960. — 34 с.