İzmir Qadın Muzeyi
İzmir Qadın Muzeyi — İzmirin Konak ilçəsinin Basmanə rayonunda yerləşən muzey.
| İzmir Qadın Muzeyi | |
|---|---|
.jpg) Türkiyə parlamentinin ilk qadın millət vəkilləri (1935) | |
 | |
| Əsası qoyulub | 23 yanvar, 2014 |
| Təsisçi | Konak Bələdiyyəsi |
| Mövzu | qadın muzeyi |
| Ölkə |
 Türkiyə |
| Yerləşir | Basmanə, İzmir |
| Ünvan | 1298 küçəsi, №14 |
| 38°25′15″ şm. e. 27°08′32″ ş. u.HGYO | |
| İzmir Women's Museum | |
 Vikianbarda əlaqəli mediafayllar | |
Muzey 23 yanvar 2014-cü ildə Konak Bələdiyyəsi Qadın və Ailə Xidmətləri bölməsinin nəzdində yaradılmışdır. Bu, Türkiyədə yaradılan ilk qadın muzeyidir.[1]
Haqqında
redaktəHakan Tartanın rayon bələdiyyə başqanı olduğu dövrdə neoklassik üslubda dizayn edilərək yaradılmış muzey tarixi binada istifadəyə verilib. Muzeydə "Anadoluda qadın" konsepti tətbiq edilib. Bu yolla Anadolu qadınının tarixi mübarizəsi, muzeyi ziyarət edənlərə çatdırılır.
Muzeydə ümumilikdə 13 otaq var.[2]"Qadın olmaq" bölməsində Osman Hamdi bəy və Leonardo da Vinçi kimi rəssamların əsərlərindəki qadın fiqurlarının rəsmlərinin surəti yer alır. Muzeydə həmçinin Osmanlı imperiyası və Türkiyə Cümhuriyyətində nəşr olunan qadın jurnalları və yerli tarixi sənədlər sərgilənir. Digər bölmələrdə mifologiya və Antik dövrdə Anadolu qadınları, "Qaraçı qızı" mozaikasının reproduksiyası, Pərvin Özdəmir keramika emalatxanasında hazırlanmış İzmir qadınlarının portretləri, Anadolu qadınlarının geyimləri, Türkiyədə qadın etirazları ilə bağlı xəbərlər, Nəzihə Muhiddin, Semiha Berksoy, Bahriyə Üçox, Türkan Saylan kimi qadınların adların yer aldığı 24 qadının bioqrafik cədvəli var. Xüsusi sərgi kolleksiyasında Keriman Xalis Ece Tamer və Sürəyya Ağaoğluya aid geyimlər sərgilənir. Muzeyin ziyarətçiləri sırasına orta məktəb, universitet tələbələri, yerli və xarici turistlər daxildir. Muzey həmçinin Beynəlxalq Qadın Muzeyləri Assosiasiyasının tərəfdaşıdır. Gül Aydının sözlərinə görə, muzeyin yaradılmasında heç bir feminist məqsəd güdülməyib.[3]
Muzeydə Xalidə Ədib Adıvar, Cahidə Sonku, Afife Jalə, Fürəya Koral kimi pioner türk qadınlarının maskaları nümayiş etdirilir. Bağda həmçinin Nazim Hikmətin heykəli də yer alır.[4]
Qalereya
redaktə
İstinadlar
redaktə- ↑ "First women's museums in world and Turkey". Jinha Agency. 7 December 2024 tarixində arxivləşdirilib. İstifadə tarixi: 23 October 2024.
- ↑ "İzmir Women's Museum". Visit İzmir. 19 January 2023 tarixində arxivləşdirilib. İstifadə tarixi: 30 April 2020.
- ↑ Aydın, Gül. Kadın Temsiline Eleştirel Bir Bakış: Türkiye’deki Kadın Müzeleri (Tezis). İzmir: Dokuz Eylül Universiteti.
- ↑ "Konak Municipality page". 2024-12-07 tarixində arxivləşdirilib. İstifadə tarixi: 2024-12-05.