Semiha Berksoy
Semiha Berksoy (24 may 1910, İstanbul – 15 avqust 2004[1][2], İstanbul) — Türkiyə opera müğənnisi və rəssamı. Türkiyənin ilk opera müğənnisi sayılır.
| Semiha Berksoy | |
|---|---|
| türk. Semiha Berksoy | |
 | |
| Ümumi məlumatlar | |
| Doğum tarixi | 24 may 1910 |
| Doğum yeri | |
| Vəfat tarixi | 15 avqust 2004[1][2] (94 yaşında) |
| Vəfat yeri | |
| Dəfn yeri | Çengelköy qəbiristanlığı |
| Musiqiçi məlumatları | |
| Fəaliyyəti | opera müğənnisi |
Həyatı və karyerası
redaktəİstanbulun Çengelköy kvartalında anadan olmuşdur. Onun anası rəssam idi. Semiha musiqi və təsviri sənət üzrə İstanbul Konservatoriyasında oxumuşdur.[3]
Berksoy aktyorluq karyerasına 1931-ci ildə rejissor "İstanbul sokaklarında" adlı Muhsin Ertuğrulun çəkdiyi ilk səsli türk filmində Semiha rolu ilə başladı. Sonra İstanbul teatrlarında operettalarda oynayırdı. 1934-cü ildə "Özsoy" adlı ilk türk operasında rol aldı. Elə həmin il Almaniya və Portuqaliyada çıxış edərək beynəlxalq debüt etdi. 1939-cu ildə Rixard Ştrausun "Ariadne Naksosda" operasında Ariadne rolunu ifa etməklə o, Avropada çıxış edən ilk Türkiyə opera müğənnisi oldu.[3] 1940-cı ildə Türkiyəyə qayıdan Semiha Berksoy, Karl Ebertin səhnələşdirdiyi Toska və Madam Batterflay operalarında oynamışdır.
1972-ci ildə opera müğənnisi karyerasını başa vurdu, ancaq teatrda oynamağa davam etdi.
1998-ci ildə Dövlət sənətçisi adına layiq görüldü.
15 avqust 2004-cü ildə İstanbulda ürək əməliyyatından sonrakı ağırlaşmadan vəfat etdi.
24 may 2019-cu ildə Google, Semiha Berksoyun anadan olmasının yüz doqquz ilinə doodle həsr etdi.[4]
İstinadlar
redaktə- ↑ 1 2 Semiha Berksoy // SNAC (ing.). 2010.
- ↑ 1 2 Semiha Berksoy // Find a Grave (ing.). 1996.
- ↑ 1 2 Sebnem Arsu (August 23, 2004) "Semiha Berksoy, 94, Turkish Star of Opera and Art, Dies" Arxivləşdirilib 2013-09-25 at the Wayback Machine, The New York Times.
- ↑ "Semiha Berksoy's 109th Birthday". Google (ingilis). 2019-05-24. 2020-01-22 tarixində arxivləşdirilib. İstifadə tarixi: 2020-05-01.