Şahnaz Haşımova

Şahnaz Həsən qızı Haşımova (d. 2 iyun 1957, Kirovabad) — Azərbaycan müğənnisi və xanəndəsi, Azərbaycan Respublikasının xalq artisti (2000). Azərbaycan Respublikası Prezidentinin fərdi təqaüdçüsü (2016). Gəncə Dövlət Filarmoniyasının direktoru (22.10.1997-01.12.2016). Göy-Göl Dövlət mahnı və rəqs ansamblının solisti (1975-hal hazıradək). Gəncə Musiqi Kollecinin xanəndə müəllimi. Yeni Azərbaycan Partiyası Gəncə şəhər təşkilatının siyasi şurasının üzvü, Azərbaycan Ağsaqqallar Şurasının üzvü, Azərbaycan Ziyalılar Cəmiyyətinin üzvü, Mədəniyyət işçiləri həmkarlar ittifaqının üzvü.

Şahnaz Haşımova
Ümumi məlumatlar
Doğum tarixi	2 iyun 1957
Doğum yeri	Kirovabad, Azərbaycan SSR, SSRİ
Vətəndaşlığı	SSRİ  Azərbaycan
Həyat yoldaşı	Azərbaycan Respublikasının Əməkdar artisti Kamança ifaçısı Eldar Abdullayev
Musiqiçi məlumatları
Fəaliyyəti	müğənni xanəndə müəllim
Fəaliyyət illəri	1971-hal hazıradək
Janr	soprano
Musiqi aləti	fortepiano
Səs tembri	Soprano
Təhsili	Gəncə Musiqi Texnikumu (1975-1979). Dağıstan Dövlət İdarə etmə və Biznes İnstitutu (1998-2004).
Üzvlüyü	Azərbaycan Ağsaqqallar Şurası
Mükafatları

Həyatı

Şahnaz Həsən qızı Haşımova 2 iyun 1957 ci ildə Gəncə şəhərində anadan olub. M.C.Paşayev adına 39 nömrəli tam orta məktəbin rus bölməsini bitirib. Q.Hüseynli adına Gəncə Musiqi Texnikumunun muğam şöbəsini bitirib(1975-1979). Dağıstan Dövlət İdarə Etmə və Biznes İnstitutunun Hüquq fakültəsini bitirib(1998-2004). 1971–1975 ci ildə bədii özfəaliyyət kollektivlərinin solisti "Oxu, tar" festivalının iştirakçısı olmuşdur. 1975-1977 ci ildə "Göy-Göl" xalq çalğı alətləri ansamblının solisti. 1977-ci ildən hal hazıradək "Göy-Göl" Dövlət Mahnı və Rəqs Ansamblının solistidir. Eyni zamanda Gəncə Musiqi Kollecinin xanəndə müəllimidir. Ş.Haşımova 23 yanvar 1997 ci ildən 22 oktyabr 1997 ci ilə qədər Göy-Göl Dövlət Mahnı və Rəqs Ansamblının direktoru vəzifəsində işləyib. 22 oktyabr 1997 ci ildən 01 dekabr 2016 cı ilə qədər Gəncə Dövlət Filarmoniyasının direktoru vəzifəsində işləyib. Eyni zamanda Gəncə Dövlət Filarmoniyasında Yeni Azərbaycan Partiyasının sədri vəzifəsində işləyib. Repertuarına xalq mahnıları ("Uca dağlar", "Qaragilə", "Şuşanın dağları və s.), Ritmik muğamlar (Kəsmə şikəstə, Qarabağ şikəstəsi, Simayi şəms,) Muğamlar (Mirzə Hüseyn segahı, Kürdü Şahnaz, Mahur hindi, Qatar, Bayatı kürd, və s.), Azərbaycan bəstəkarlarının mahnıları, həmçinin türk, fars, tacik, əfqan, ərəb və s. xalqların mahnıları daxildir.

Şahnaz Haşımovanın respublikanın hüdudlarından çox-çox uzaqlarda milli musiqimizin, muğamatımızın tanınmasında, təbliğində xüsusi xidmətləri vardır. O, F.Əmirov adına Gəncə Dövlət Filarmoniyasına bacarıqla rəhbərlik edib.

Ş.Haşımova şəhərin ictimai-siyasi həyatında fəal iştirak etməklə yanaşı,Gəncə Dövlət Filarmoniyasının "Göy-Göl" Dövlət Mahnı və Rəqs Ansamblı, Xalq Çalğı Alətləri Orkestri və Dövlət Kamera Orkestrinin konsertlərinə bədii rəhbərlik və təşkilatçılıq edir.

Ş.Haşımova bir çox xarici ölkələrdə dəfələrlə Azərbaycan musiqisinin əsl təbliğatçısı olmuş, yetişdirdiyi gənc müğənnilərlə Azərbaycanda və xarici ölkələrdə Azərbaycan musiqisini layiqincə təmsil etmişdir. Şahnaz Haşımovanın Azərbaycan televiziyası və radiosunun "Qızıl Fondu"nda saysız-hesabsız lent yazıları qorunur və saxlanılır. Eyni zamanda rəhbərlik etdiyi kollektivlər AzTV və digər televiziya kanallarında çıxış edirlər.

Şahnaz Haşımova Gəncə Dövlət Filarmoniyasının musiqi kollektivlərinin cəbhə bölgələrində, əsgərlər qarşısında, qaçqın və köçkünlər qarşısında dəfələrlə çıxışlarını təşkil etmiş, özü ifa etdiyi vətənpərvərlik mahnıları ilə onlarda yüksək əfvali-ruhiyyə yaradaraq, respublika Prezidentinin apardığı daxili və xarici siyasətin dəstəkləyicisi və təbliğatçısı olmuşdur.

Ş.Haşımova Yeni Azərbaycan Partiyasının, Azərbaycan Ağsaqqallar Şurasının, Azərbaycan Ziyalılar Cəmiyyətinin, Mədəniyyət işçiləri həmkarlar ittifaqının üzvüdür.

Azərbaycan Respublikasının Xalq Artisti Şahnaz Haşımova özünün yüksək səhnə mədəniyyəti, savadı, özünəməxsus ifa tərzi, şirin və məlahətli səsi, bir sıra gözəl insani keyfiyyətləri ilə çalışdığı kollektivin və xalqın sevimlisinə çevrilmişdir.

Şahnaz Haşımova "Mən dərdimi mahnılara danışdım"(2003). "Vətən sən güman yerimsən"(2016), Qar dənələri (2023) adlı kitabların müəllifidir.

Şahnaz Haşımova Azərbaycan mədəniyyətinin inkişafında xidmətlərinə görə

17 may 1989-cu ildə "Azərbaycan SSR əməkdar artisti" fəxri adına, 28 oktyabr 2000-ci ildə "Azərbaycan Respublikasının xalq artisti" fəxri adlarına layiq görülmüşdür. 26 iyul 2002 ci ildən 5 may 2016 cı ilə qədər Azərbaycan Respublikası Prezidentinin Mükafatına layiq görülmüşdür.

6 may 2016-cı ildə Azərbaycan Respublikası Prezidentinin fərdi təqaüdünə layiq görülmüşdür.

Dəfələrlə fəxri fərmanlarla təltif edilmişdir.

Ailəsi

Azərbaycan Respublikasının Əməkdar artisti kamança ifaçısı Eldar Abdullayevin həyat yoldaşıdır

Azərbaycan Respublikasının Əməkdar artisti Müğənni Aybəniz Haşımovanın bacısıdır.

Ailəlidir 2 oğlu 6 nəvəsi var

Mükafatları

Şahnaz Haşımova Azərbaycan mədəniyyətinin inkişafında xidmətlərinə görə

17 may 1989 cu ildə Azərbaycan SSR əməkdar artisti fəxri adına,

28 oktyabr 2000 ci ildə Azərbaycan Respublikasının xalq artisti fəxri adlarına layiq görülmüşdür

26 iyul 2002 ci ildən 5 may 2016 cı ilə qədər Azərbaycan Respublikası Prezidentinin mükafatına layiq görülmüşdür

6 may 2016 cı ildə Azərbaycan Respublikası Prezidentinin fərdi təqaüdünə layiq görülmüşdür

Dəfələrlə fəxri fərmanlarla təltif edilmişdir