Azərbaycan Ağsaqqallar Şurası
Azərbaycan Ağsaqqallar Şurası — 1989-cu ildə İmam Mustafayev tərəfindən təsis olunmuş təşkilat.
| Azərbaycan Ağsaqqallar Şurası | |
|---|---|
| Azərbaycan Ağsaqqalları Şurası | |
| Şüar | "Ağsaqqal milli mənəvi dəyərlərimizin qızıl fondudur" Heydər Əliyev |
| Yaranma tarixi | 1989 |
| Qeydiyyat tarixi | 1990 |
| Rəsmi dili | Azərbaycan dili |
| Mərkəzi |
 Bakı |
| Yarandığı yer | Bakı, Azərbaycan |
| Qurucusu | İmam Mustafayev |
| Sədr | Eldar Quliyev |
| agsaqqallarsurasi.az | |
Tarixi
redaktə1989-cu ildə Azərbaycan SSR Kommunist Partiyası MK-nin birinci katibi İmam Mustafayev tərəfindən təsis olunub.[1] 1990-cı ildə dövlət qeydiyyatından keçərək rəsmi fəaliyyətə başlayıb. 1998-ci ildə İmam Mustafayevin vəfatından sonra akademik Budaq Budaqov 1998–2012-ci illərdə sədrlik edib. 2012–2020-ci illərdə Azərbaycan Respublikası Milli Məclisinin deputatı, Milli Məclisin Hesablayıcı Komissiyasının sədri, Regional Məsələlər Komitəsinin sədr müavini,Fəttah Heydərov rəhbərlik edib.[2] 2020-ci ildə Azərbaycan Respublikası Milli Məclisinin deputatı, Azərbaycan Mərkəzi Kooperativlər İttifaqı — "Azərittifaq"ın sədri, Azərbaycan Kooperasiya Universitetinin rektoru professor Eldar Quliyev keçirilən qurultayda sədr seçilib.[3]
Fəaliyyəti
redaktəHəyata keçirtdiyi layihələr
redaktəAzərbaycan Ağsaqqallar Şurası ilə "Türk Dünyası Ağsaqqalları" qəzetinin birgə təbdirlər keçiriblər.
- "İmkansız ailələrə maddi-mənəvi dəstək, gənc ailələrin maarifləndirilməsi"(2000–2006)
- "Bizə uzanan əllər" (2005-ci ildən bu günə qədər)[4]
- "Ümidə qayıdış- həbsxanada cəza çəkən insanların tərbiyələnməsinə ictimai dəstək və yaradıcı insanların tanıdılması"(2007–2011
- "Görünməyən tariximiz-itməkə olan abidələrin və adətlərin bərpası, qeydə alınmamış abidələrin şərhi"(2008–2010)
- "Ağsaqqal və gənclik- cəbhələrdə, məktəb və bağçalarda gənclərlə birlikdə maarifləndirici təbliğat"(2009–2012
- "Ekologiya və biz" (2010–2013)
- "Əsgərlərə yeni ruh"(2011–2019)
- "Biz heç kimi unutmuruq.."(2008-ci ildən davam edir)
- "Türkdilli dövlətlərin həyatı və inteqrasiya məsələləri Azərbaycan mediasında: mövcud durum və perspektivlər"(2013-Mətbuat Şurası ilə birgə 1 illik layihə
- "Tarix, təbiət və mədəniyyət abidələrinin mühafizəsi turizmin inkişafına səbəb kimi: ağsaqqallar və gənclərin təqdimatında"(2017–2018)[5]
- "Azərbaycanın iqtisadi konsepsiyası:media hərəkətverici qüvvə kimi"-(2013)
- Qeyd edək ki, bu layihələr çərçivəsində Ramin Əhmədov işçi qrupu ilə birlikdə hər il 500-dən yuxarı şəhid ailəsini və şəhid məzarlarını ziyarət edir, imkansız aztəminatlı ailələrin və sığınacaqlarda olan uşaqları dərs ləvazimatları, paltar və ərzaqla təmin edir. Müharibə veteranları, fiziki qüsurlu insanlara məxsusi diqqət ayırır. Bütün bayramlarda onlara tədbir keçirilir, ərzaq sovqatı verilir.
- Həmçinin cəbhə zonasında olan əsgərlərə də xüsusi diqqət göstərir, əməkdaşlarla birlikdə tez-tez cəbhə zonasına əsgərlərlə görüşə gedir.
İstinadlar
redaktə- ↑ "AKADEMİK İMAM MUSTAFAYEVİN 100 İLLİK YUBİLEYİNƏ HƏSR OLUNMUŞ TƏDBİR KEÇİRİLMİŞDİR". 2023-06-29 tarixində arxivləşdirilib. İstifadə tarixi: 2020-11-03.
- ↑ "Fəttah Heydərov Ağsaqqallar Şurasının sədri seçilib". 2017-01-15 tarixində arxivləşdirilib. İstifadə tarixi: 2020-11-03.
- ↑ "Eldar Quliyev Azərbaycan Ağsaqqallar Şurasının sədri seçilib". 2020-10-29 tarixində arxivləşdirilib. İstifadə tarixi: 2020-11-03.
- ↑ ""Bizə uzanan əllər…" layihəsi çərçivəsində xeyriyyə tədbiri keçirilib". 2022-08-24 tarixində arxivləşdirilib. İstifadə tarixi: 2020-11-11.
- ↑ "Azərbaycan Ağsaqqallar Şurası turizmin inkişafına dair yeni layihə təqdim edib". 2020-11-27 tarixində arxivləşdirilib. İstifadə tarixi: 2020-11-19.