Ədalət Yusub
Ədalət Həsənağa oğlu Yusubov və ya Ədalət Həsənağa oğlu Yusub (5 oktyabr 1960) — Klassik Xalq Cəbhəsi Partiyasının sabiq sədr müavini, Salyan Rayon İcra Hakimiyyətinin sabiq başçısı.
| Ədalət Yusub | |
|---|---|
| Sədr | Mirmahmud Mirəlioğlu |
| 30 may 1992 – 11 avqust 1993 | |
| Əvvəlki | Seyran Seyranov |
| Sonrakı | Vəlhəd Əzizov |
| Şəxsi məlumatlar | |
| Doğum tarixi | 5 oktyabr 1960 (64 yaş) |
| Partiya |
|
| Fəaliyyəti | siyasətçi |
Həyatı
redaktəƏdalət Yusub 5 oktyabr 1960-cı ildə anadan olmuşdur.[1]
Siyasi fəaliyyəti
redaktəƏdalət Yusub 10 may 1992-ci il Azərbaycan Respublikası Prezidentinin səlahiyyətini həyata keçirən Azərbaycan Respublikası Ali Sovetinin sədri İsa Qəmbərovun 806 nömrəli fərmanı ilə Salyan Rayon İcra Hakimiyyətinin başçısı təyin edilmişdir.[2] O, 11 avqust 1993-cü ildə Azərbaycan Respublikası Prezidentinin səlahiyyətini həyata keçirən Azərbaycan Respublikası Ali Sovetinin sədri Heydər Əliyevin 713 nömrəli fərmanı ilə vəzifəsindən azad edilmişdir.[3]
Partiya fəaliyyəti
redaktəƏdalət Yusub Azərbaycan Xalq Cəbhəsinin üzvü olmuşdur. O, Klassik Xalq Cəbhəsi Partiyasının Salyan Rayon Təşkilatının sədri və sədrin seçki məsələləri üzrə müavini olmuşdur.[4] Partiya daxilində yaranmış narazılıqlara görə yaranmış Demokratik Birlik Fraksiyasının həmtəsisçisi olmuşdur.[5]
O, Klassik Xalq Cəbhəsi Partiyası üzvü olduğu müddətdə sədr müavinliyindən istefa verərək Qubad İbadoğlunun rəhbərlik etdiyi Azərbaycan Demokratiya və Rifah Hərəkatına üzv olmuş və hərəkatın təşkilati məsələlər üzrə sədr müavini olmuşdur. 17 oktyabr 2021-ci ildə partiyaya çevrilən hərəkatın 26 dekabr 2021-ci ildə Ali Məclisinin ilk sessiyası keçirilmiş və sessiyada Ədalət Yusub Azərbaycan Demokratiya və Rifah Partiyasının təşkilati məsələlər üzrə sədr müavini vəzifəsinə təyin olunmuşdur.[6]
Seçkilərdə
redaktəƏdalət Yusub 2010-cu il parlament seçkilərində Klassik Xalq Cəbhəsi Partiyasının deputatlığa namizədi olmuş, 60 saylı Salyan-Neftçala seçki dairəsi üzrə deputatlığa namizəd olmuş, 2849 səs (19.19 %) səs toplayaraq seçkiləri Ana Vətən Partiyası namizədi Fəzail Ağamalı və bitərəf namizəd İlham İsmayılovun ardınca üçüncü sırada bitirmişdir.[7]
2013-cü il prezident seçkiləri ərəfəsində yaradılmış Demokratik Qüvvələrin Milli Şurasının üzvlərindən biri olmuşdur.[8]
İstinadlar
redaktə- ↑ "60 SALYAN-NEFTÇALA SEÇKI DAIRƏSİ ÜZRƏ QEYDƏ ALINANLARIN SİYAHISI". 2021-11-07 tarixində arxivləşdirilib. İstifadə tarixi: 2022-05-01.
- ↑ "Ə. H. Yusubovun Salyan rayonu İcra hakimiyyətinin başçısı təyin edilməsi və S. R. Seyranovun həmin vəzifədən azad edilməsi haqqında". 2019-04-01 tarixində arxivləşdirilib. İstifadə tarixi: 2022-05-01.
- ↑ "V. M. Əzizovun Salyan rayonu İcra hakimiyyətinin başçısı təyin edilməsi və Ə. H. Yusubovun həmin vəzifədən azad edilməsi haqqında". 2022-05-01 tarixində arxivləşdirilib. İstifadə tarixi: 2022-05-01.
- ↑ "KXCP-nin MƏRKƏZİ SEÇKİ QƏRARGAHI YARADILDI". 2022-05-01 tarixində arxivləşdirilib. İstifadə tarixi: 2022-05-01.
- ↑ "Ədalət Yusubov: "Partiya rəhbərliyi təkliflərimizi qulaqardına vurdu" - MÜSAHİBƏ". 2021-01-18 tarixində arxivləşdirilib. İstifadə tarixi: 2022-05-01.
- ↑ "Ədalət Yusub, Adil Qeybulla, Samir Abbaslı, Əlövsət Talışxanlı, Rüfət Muradlı müavini, Ellada Məmmədli isə... - ADR-də yeni təyinatlar". 2022-05-01 tarixində arxivləşdirilib. İstifadə tarixi: 2022-05-01.
- ↑ "60 SALYAN-NEFTÇALA SEÇKI DAIRƏSİ". 2021-11-07 tarixində arxivləşdirilib. İstifadə tarixi: 2022-05-01.
- ↑ "Azərbaycanda siyasi partiyaların birləşdiyi Milli Şura yaradılıb". 2022-04-30 tarixində arxivləşdirilib. İstifadə tarixi: 2022-04-30.