Əli Əkbər (şair)

Əli Əkbər (Ələkbərov Əli Hüseyn oğlu; 27 aprel 1927, Qovuşuq, Şərur-Dərələyəz qəzası5 iyun 2022, Sumqayıt) — Azərbaycan şairi.

Əli Əkbər
Ələkbərov Əli Hüseyn oğlu
Əli Əkbər (şair).jpg
Doğum adı Əli
Təxəllüsü Əkbər
Doğum tarixi 27 aprel 1927(1927-04-27)
Doğum yeri
Vəfat tarixi 5 iyun 2022(2022-06-05) (95 yaşında)
Vəfat yeri
Dəfn yeri
Vətəndaşlığı
Təhsili Azərbaycan Dövlət Universiteti
Fəaliyyəti şair, müəllim

HəyatıRedaktə

Əli Əkbər 1927-ci il aprel ayının 27-də Qərbi Azərbaycanın Dərələyəz mahalındakı Qovuşuq kəndində (Yexeqnadzor rayonu) anadan olub. 1947-ci ildə orta məktəbi bitirməmiş onu rayon xalq maarif şöbəsi oxuduğu məktəbdə müəllim təyin edir. İki il orta məktəbdə müəllim işlədikdən sonra yenidən oxuyub 1950-ci ildə orta məktəbi bitirir. Orta məktəbi bitirdikdən sonra rayon xalq maarif şöbəsi onu yenidən müəllim təyin edir. O, 1950-ci ildən 1965-ci ilə qədər Dərələyəz mahalının Sallı, Hors, Gədikvəng və Qabaxlı kəndlərində müəllim işləyir. Paralel olaraq ali təhsil almaq üçün Bakıya gələrək 1962-ci ildə S. M. Kirov adına Azərbaycan Dövlət Universitetinin filologiya fakultəsinin qiyabi şöbəsinə daxil olur. 1968-ci ildə universiteti müvəffəqiyyətlə bitirir.

1988-ci ilə qədər Dərələyəz mahalının Qovuşuq kənd orta məktəbində azərbaycan dili və ədəbiyyatı fənlərini tədris etmişdir.

1988-ci ildə bədxah ermənilərin təzyiq ilə doğma dədə-baba yurdlarından çıxarılan azərbaycanlılarla birlikdə Əli müəllim də Azərbaycana gələrək Abşeron rayonunun Ceyranbatan qəsəbəsində məskunlaşır. 1993–2011-ci illərdə Abşeron rayonu Ceyranbatan qəsəbə 1 saylı orta məktəbində müəllim işləyib.

5 iyun 2022-ci ildə vəfat edib. Sumqayıt şəhərinin yeni məzarlığında dəfn edilib.

AiləsiRedaktə

Ailəlidir, səkkiz övladı var.

YaradıcılığıRedaktə

Ədəbi yaradıcılığa böyük maraq göstərən Əli müəllim hələ 1957-ci ildən Əli Əkbər təxəllüsü ilə şerlər yazmağa başlamışdır. O, öz şerlərini "Sovet Ermənistanı" qəzetində çap etdirirdi. Onun bir neçə şeiri də 1957-ci ildə çıxan "Ədəbi Ermənistan" məcmuəsində çap olunmuşdur.

Yazdığı əsərləri qəzet və jurnallarda çap etdirir. Yazdığı şerləri, poemaları və dram əsərlərini toplayaraq: 2003-cü ildə "Dərələyəz", 2004-cü ildə "Qəlbin səsi", 2005-ci ildə "Atanın dara çəkilməsi", 2013-cü ildə isə "Vətən həsrəti" kitablarını çap etdirib. Beşinci kitabı da çapa hazırlanır.

KitablarıRedaktə

  1. "Dərələyəz", 2003-cü il
  2. "Qəlbin səsi", 2004-cü il
  3. "Atanın dara çəkilməsi", 2005-ci il
  4. "Vətən həsrəti", 2013-cü il

İstinadlarRedaktə