Əli Ələsgərov

Ələsgərov Əli Ələsgər oğlu (29 iyun 1953, Nehrəm, Naxçıvan rayonu) — Əməkdar həkim (2009).

Əli Ələsgərov
Ələsgərov Əli Ələsgər oğlu
Doğum tarixi	29 iyun 1953(1953-06-29) (71 yaş)
Doğum yeri	Nehrəm, Naxçıvan rayonu, Naxçıvan MSSR, Azərbaycan SSR, SSRİ

Həyatı

Ələsgərov Əli Ələsgər oğlu 29 iyun 1953-cü ildə Naxçıvan Muxtar Respublikası Babək rayonunun Nehrəm kəndində anadan olmuşdur.

1979-cu ildə Tibb İnstitutunu bitirərək terapevt ixtisası almış, əmək fəaliyyətinə Nehrəm kənd xəstəxanasında başlamışdır. Sonralar işini Naxçıvan şəhərində N.Nərimanov adına Respublika xəstəxanasında davam etdirmişdir.

1998-ci ildən həmin xəstəxanada baş həkimin müalicə işləri üzrə müavini vəzifəsində çalışıb. 2012-ci ildən Naxçıvan MR. N.Nərimanov adına Respublika xəstəxanasının Baş həkimi vəzifəsində işləyir. Babək rayonunun Nehrəm kəndində yaşayır.

Ailəlidir, 4 övladı,7 nəvəsi var.

Təltifləri

2009-cu ildə Naxçıvan Muxtar Respublikasının Ali Məclisinin sədri Vasif Talıbovun fərmanı ilə muxtar respublika səhiyyəsinin inkişafındakı səmərəli fəaliyyətinə görə Ələsgərov Əli Ələsgər oğluna "Əməkdar həkim" fəxri adı verilmişdir.