Əlipənah Bayramov
Əlipənah Bayramov (azərb. Əlipənah Gülbala oğlu Bayramov; 13 dekabr 1946, Kürsəngi, Salyan — 17 dekabr 2022, Bakı) — Azərbaycanlı jurnalist, "Xalq qəzeti"nin keçmiş şöbə müdiri, "Əməkdar mədəniyyət işçisi" (2005).[1]
| Əlipənah Bayramov | |
|---|---|
| Əlipənah Gülbala oğlu Bayramov | |
 | |
| Doğum tarixi | |
| Doğum yeri | Salyan rayonu, Kürsəngi kəndi |
| Vəfat tarixi | (76 yaşında) (76 yaşında) |
| Vəfat yeri | Bakı şəhəri |
| Dəfn yeri | Kürsəngi kəndi |
| Vətəndaşlığı | Azərbaycan SSR, Azərbaycan |
| Milliyyəti | azərbaycanlı |
| Təhsili | Azərbaycan Dövlət Universiteti |
| Fəaliyyəti | Jurnalist, Yazıçı |
| Fəaliyyət illəri | 1972-2022 |
| Tanınmış əsərləri | "Beşilliyin Qəhrəmanları", "Həyatım, mühitim" |
| Mükafatları |
 |
Həyatı Redaktə
Əlipənah Gülbala oğlu Bayramov 1946-cı il dekabrın 13-də Salyan rayonunun Kürsəngi kəndində anadan olub. Səkkizillik məktəbi doğma kəndində, orta məktəbi qonşu Xalac kəndində bitirib. Orta məktəb illərindən dövri mətbuatda müxtəlif mövzularda yazdığı məqalələrlə çıxış edib. Yeniyetməlik illərində də mətbuatda çıxışlar edən Əlipənah Bayramov taleyini birdəfəlik jurnalistika ilə bağlayıb. 1968-ci ildə Azərbaycan Dövlət Universitetinin (indiki Bakı Dövlət Universiteti) Jurnalistika fakültəsinə daxil olmuş, 1973-cü ildə ali məktəbi fərqlənmə diplomu ilə bitirmişdi.
Tanınmış jurnalist 2022-ci ildə, 76 yaşında Bakı şəhərində dünyasını dəyişib.[2] O, ömrünün son illərində də jurnalist axtarışlarını davam etdirirdi. Altmış ilə yaxın yaradıcılıq fəaliyyəti dövrünün maraqlı fakt və hadisələri barədə düşüncələrini qələmə alırdı.
Evli idi. 4 övladı var.
Fəaliyyəti Redaktə
1972–1974-cü illərdə məşhur "İdman" qəzeti redaksiyasında işə başlayıb.[3] 1974–1979-cu illərdə Azərbaycan Dövlət Neft-Kimya İnstitutunda (indiki Azərbaycan Dövlət neft və Sənaye Universiteti) nəşr edilən "Neft kadrları uğrunda" çox-tirajlı qəzetinin redaktoru olub.
1979-cu ilin sentyabrından "Xalq qəzeti" (keçmiş "Kommunist" qəzeti) redaksiyasında çalışıb. Bu illər ərzində redaksiya heyətinin üzvü olaraq müxbir, baş müxbir, şöbə müdiri (sənaye, məktublar və iqtisadiyyat şöbələri üzrə) çalışıb. "Xalq qəzeti"ndə çap olunmuş və "Həyatım və mühitim" toplusuna daxil edilmiş görkəmli ziyalılarımız barədə yazılar silsiləsi jurnalistə layiqli nüfuz qazandırmışdı. Yetkin jurnalist olaraq Əlipənah Bayramov ölkənin nüfuzlu jurnalist mükafatlarına öncüllər sırasında layiq görülmüşdür.
1983-cü ildə "Beşilliyin qəhrəmanları" seriyasından Sosialist Əməyi Qəhrəmanı, maşinist Qəzənfər Əliyevə həsr olunmuş ilk kitabı çapdan çıxıb.[4] 2016-cı ildə görkəmli jurnalistin "Həyatım, mühitim" adlı kitabı çapdan çıxmışdır.[4][5][6][7][8]
Mükafatları Redaktə
Jurnalist respublika Ali Sovetinin Fəxri fərmanına layiq görülüb. "H. B. Zərdabi" və "Qızıl qələm" mükafatları laureatıdır. Əlipənah Bayramov 2005-ci ildə ölkə başçısının sərəncamı ilə "Əməkdar mədəniyyət işçisi" fəxri adı alıb.[1]
İstinadlar Redaktə
- ↑ 1 2 "Azərbaycan mətbuat işçilərinə fəxri adların verilməsi haqqında AZƏRBAYCAN RESPUBLİKASI PREZİDENTİNİN SƏRƏNCAMI". e-qanun.az (az.). Archived from the original on 2022-09-28. İstifadə tarixi: 2023-03-13.
- ↑ Azərbaycan Mətbuat Şurası. "Azərbaycan Mətbuat Şurası jurnalist Əlipənah Bayramovun vəfatı ilə bağlı nekroloq yayıb". presscouncil.az. Archived from the original on 2023-03-19. İstifadə tarixi: 2023-03-19.
- ↑ ""İdman"dan "Kommunist"ə!". azsport.az. Archived from the original on 2023-03-21. İstifadə tarixi: 2023-03-21.
- ↑ 1 2 "Elektron Kataloq anl.az - Ə. G. Bayramov". ek.anl.az. Archived from the original on 2023-03-21. İstifadə tarixi: 2023-03-21.
- ↑ "Elektron Kataloq. Həyatım və mühitim [Mətn] /Ə. G. Bayramov ; red. T. Aydınoğlu". ek.anl.az. Archived from the original on 2023-03-21. İstifadə tarixi: 2023-03-21.
- ↑ "Etno-bioqrafik "biblioqrafiya"..." anl.az. Archived from the original on 2017-05-11. İstifadə tarixi: 2023-03-21.
- ↑ "Mədəniyyət. Etno-bioqrafik "biblioqrafiya"..." medeniyyet.az. Archived from the original on 2023-03-21. İstifadə tarixi: 2023-03-21.
- ↑ ""Həyatım və mühitim"in gələcəyə söz körpüsü". old.xalqqazeti.com. Archived from the original on 2023-03-21. İstifadə tarixi: 2023-03-21.