Əllər və rənglər (film, 1974)
| Əllər və rənglər | |
|---|---|
| Janr | sənədli film |
| Rejissor | Ramiz Axundov |
| Ssenari müəllifi | Elçin |
| İstehsalçı | "Azərbaycantelefilm" |
| İlk baxış tarixi | 1974 |
| Filmin növü | qısametrajlı sənədli televiziya filmi |
| Ölkə |
 SSRİ |
| İl | 1974 |
| Texniki məlumatlar |
1 hissə 294 metr 35 mm |
| Rəng | rəngli |
Məzmun
redaktəFilmin süjeti təzadlar üzərində qurulmuşdur. Burada rəssam Toğrul Nərimanbəyovun "Xoşbəxtlik", "Həyat Naminə" rəngkarlıq əsərləri gözlərimiz önündə canlanır. Onu xalça toxuyan qızın əlləri əvəz edir. Heykəltəraşın yeni əsər üzərində necə həvəslə işlədiyini görürük. Bu vaxt ekranda xronikal kadrlar nümayiş etdirilir. Hitlerçilər minlərlə günahsız insanları güllələyir, asırlar. Onların əlləri qana batır. Yenidən ekranda rəssamlarımızdan Kamil Nəcəfzadənin "Analıq", Toğrul Nərimanbəyovun "Şəhər Bazarı", R.Babayevin "Çayçı" əsərləri nümayiş etdirilir. Bu gözəl əsərləri birdən-birə Vyetnam müharibəsi əvəz edir. Göydən yerə bombalar yağış kimi yağdırılır, kəndlər yandırılır, qadınlar, uşaqlar, qocalar məhv edilir, qan su yerinə axıdılır. Bunları da insanlar törədir. Yenidən ekranda ürəkaçan əsərlər görünür. Tahir Salahovun "Neftçi Portreti", "Növbəyə", "Bəstəkar Qara Qarayev" əsərləri bizə zövq verir, bu həyatda insan kimi yaşayıb yaratmağın nə qədər gözəl olduğunu bir daha tamaşaçılara xatırladır
Filmin heyəti
redaktəFilm üzərində işləyənlər
redaktə- Rejissor: Ramiz Axundov
- Ssenari müəllifi: Elçin