Əsas menyunu aç

Əminə Dilbazi (azərb. Əminə Paşa qızı Dilbazi‎; 26 dekabr 1919(1919-12-26), Qazax, Yelizavetpol quberniyası30 aprel 2010(2010-04-30), Bakı) — Azərbaycan rəqqasəsi, baletmeyster və pedaqoq, milli rəqslərin ustası, səhnə quruluşçusu, Moskva Beynəlxalq tələbə gənclər festivalının laureatı (1957), Azərbaycan SSR xalq artisti (1959).[1][2]

Əminə Dilbazi
Əminə Dilbazi.JPG
Doğum tarixi 26 dekabr 1919(1919-12-26)
Doğum yeri Qazax, Qazax qəzası, Azərbaycan Xalq Cümhuriyyəti
Vəfat tarixi 30 aprel 2010 (90 yaşında)
Vəfat yeri Bakı, Azərbaycan
Dəfn yeri
Həyat yoldaşı
Peşəsi Aktrisa
Mükafatları "İstiqlal" ordeni"Şərəf Nişanı" ordeniSU Order of Friendship of Peoples ribbon.svg
IMDb ID 4128926
dilbazi.az
Əminə Dilbazi

HəyatıRedaktə

Əminə Dilbazi 26 dekabr 1919-ci ildə Qazaxda anadan olub. İlk təhsilini 132 saylı məktəbin rus bölməsində almışdır.

Məşhur bəstəkar, Azərbaycan SSR xalq artisti Cövdət Hacıyevin həyat yoldaşı, Şairə Mirvarid Dilbazinin bacısıdır.[1][2][3]

Əminə Dilbazi 2010-cu il aprelin 30-da Bakı şəhərində vəfat etmişdir.

FəaliyyətiRedaktə

Səhnə fəaliyyətinə 1935-ci ildə başlayan rəqqas ilk əvvəl estradada milli rəqslərin ifaçısı kimi çıxış edib. 1935-ci ildə ilk dəfə səhnəyə çıxaraq Üzeyir Hacıbəyovun bəstələdiyi "Kolxoz çölləri" mahnısını ifa edib. 1939-cu ildən xalq rəqslərini səhnəyə qoyub. O, 1936-1969-cu illərdə Müslüm Maqomayev adına Azərbaycan Dövlət Filarmoniyası Mahnı və Rəqs Ansamblının solisti olaraq çalışmış və burada müxtəlif illərdə rəqs qrupuna rəhbərlik etmişdir. Əminə Dilbazi 1959-cu ildə Azərbaycan Tibb İnstitutunun yaratdığı "Çinar" tələbə rəqs kollektivinə, 1962-65-ci illərdə Azərbaycan mahnı və rəqs ansamblına, 1967-68-ci illərdə isə "Sevinc" rəqs ansamblına rəhbərlik etmişdir. 1949-cu ildən Xoreoqrafiya Məktəbində pedaqoji fəaliyyət göstərib.

Əminə Dilbazi bir çox filmlərdə rəqslərə quruluş verib. O, Azərbaycan Dövlət filarmoniyasının səhnəsində oynanılan "Dədə Qorqud", "Azərbaycan toyu", "Bir bağçanın gülləri" səhnə əsərlərində əsas partiyaların ifaçısı olmuşdur. Onun oynadığı "İnnabı", "Tərəkəmə", "Vağzalı", "Turacı", "Naz eləmə" rəqsləri xüsusilə məşhurdur. Repertuarına rus rəqsləri, ukrayna rəqsləri, özbək rəqsləri, ərəb rəqsləri də daxil olan Əminə Dilbazi "Leyli və Məcnun" operasında, "Arşın Mal Alan" və "O olmasın bu olsun" komediyaları və s. əsərlərdə də rəqslərə quruluş verib. Azərbaycan musiqili komediya teatrında, habelə erməni, osetin, özbək ansambllarında rəqsləri tamaşaya qoyub. "Arşın mal alan", "Ulduz", "Yallı", "Sevinc" filmkonsertində lentə çəkilmişdir.

MükafatlarıRedaktə

FilmoqrafiyaRedaktə

Həmçinin baxRedaktə

İstinadlarRedaktə

  1. 1 2 Görkəmli Azərbaycanlılar
  2. 1 2 "Əminə Dilbazi—90" (azərb.). 2019-02-05. 2019-02-05 tarixində orijinalından arxivləşdirilib. İstifadə tarixi: 2009-12-26.
  3. "Əminə Dilbazi" (azərb.). 2019-02-05. 2017-12-24 tarixində orijinalından arxivləşdirilib. İstifadə tarixi: 2017-12-22.

Xarici keçidlərRedaktə