Ərdəşir mirzə Qovanlı-Qacar

Ərdəşir mirzə Abbas mirzə oğlu Qovanlı-Qacar (1807-1866) — Qacar şahzadəsi, vali.

Ərdəşir mirzə Qovanlı-Qacar
Ərdəşir mirzə Abbas mirzə oğlu Qovanlı-Qacar
Doğum tarixi	1807
Doğum yeri	Təbriz, Qacarlar dövləti
Vəfat tarixi	1866
Vəfat yeri	Tehran, Qacarlar dövləti
Vətəndaşlığı	Qacarlar dövləti
Atası	Abbas mirzə
Fəaliyyəti	qubernator
Vikianbarda əlaqəli mediafayllar

Həyatı

Abbas mirzənin dоqquzuncu оğlu Ərdəşir mirzə 1809-cu ildə Təbriz şəhərində anadan оlmuşdu. Mükəmməl saray təhsili almışdı. Rüknəddövlə ləqəbini daşıyırdı.

Ərdəşir mirzə Bəstam vilayətinin hakimi olmuşdu. Babası Fətəli şahın fərmanı ilə Qorqan vilayətinə dəyişilmişdi.

Ərdəşir mirzə Məhəmməd şahın əmri ilə türkmənlərə qarşı döyüşmüşdü. Herat səfərində iştirak etmişdi. Tehrana dönmüş, sonra Mazandaran əyalətinə təyin olunmuşdu.

Ərdəşir mirzə 1846-cı ildə Lurestanın, sonra Xuzestanın valisi təyin edilmişdi. 1850-ci ildə yenidən Mazandaran əyalətinə göndərilmişdi. 1853-cü ildə Tehrana yeni təyinatla bağlı dönmüşdü.

Ərdəşir mirzə 1856-ci ildən Cənubi Azərbaycanın valisi vəzifəsində çalışmışdı. 1859-cu ildə Gilan əyalətinə vali təyin edilmişdi.

Ərdəşir mirzə Qovanlı-Qacar 1866-cı ildə vəfat edib.

Mənbə

• Ənvər Çingizoğlu, Qacarlar və Qacar kəndi, Bakı, "Şuşa", 2008, 334 səh.

Həmçinin bax

• Abbas mirzə Qovanlı-Qacar
• Qacarlar