Ağası Məmmədov

Ağası Ağagül oğlu Məmmədov(1 iyun 1980, Bakı, Azərbaycan SSR) — boksçu

Ağası Məmmədov
Şəxsi məlumatlar
Tam adı	Ağası Ağagül oğlu Məmmədov
Vətəndaşlığı	Türkiyə (1997—2001) → Azərbaycan (2001—2004)
Doğum tarixi	1 iyun 1980
Doğum yeri	Bakı, Azərbaycan SSR
İdman növü	Boks
Karyera illəri	1997—2004
Boyu	170 sm. (5 ft 8 in)
Çəkisi	54 kq
Medallar Olimpiya Oyunları Bürünc 2004 Afina 54 Kq. Dünya Çempionatı Gümüş 2001 Şimali İrlandiya 52 Kq. Qızıl 2003 Tailand 54 Kq. Avropa Çempionatı Qızıl 2000 Finlandiya 54 Kq. Dövlət təltifləri

Həyatı

Ağası Məmmədov 1980-ci il iyun ayının 1-də Bakı şəhərində anadan olub.

2003-cü il dünya çempionatının qızıl, 2001-ci ildə isə dünya birinciliyinin gümüş mükafatını qazanıb. İkiqat Avropa çempionudur. 1996-cı ildə yeniyetmələrin Avropa çempionatının qızıl medalını qazanıb və ən texnikalı boksçu kimi xüsusi mükafatla — kubokla təltif edilib. Müxtəlif beynəlxalq turnirlərin qalibidir. Azərbaycan boksu tarixində dünya çempionatının qızıl mükafatını qazanan ilk idmançıdır.

2000-ci il Sidney oyunlarında Türkiyə milli yığma komandasının şərəfini qoruyub. Beynəlxalq Həvəskar Boks Federasiyasının prezidenti, doktor Ənvər Çoudrinin şərəfinə Bakıda keçirilən turnirdə Afina Olimpiadasına lisenziya qazanıb.

Əməkdar idman ustasıdır, "Azərterminalkompleks"in əməkdaşıdır, gömrük xidməti kapitanıdır.

Karyerası

1997

Ağası Ağagüloğlu 1997-ci ildə Macarıstanın Budapeşt şəhərində baş tutan Dünya Çempionatında mübarizə apardı. Bu turnir 17 yaşlı Ağası Ağagüloğlunun beynəlxalq səviyyədə birinci nüfuzlu turniri idi. Turnirin 1/8 final mərhələsində Ağası Ağagüloğlu Argentina nümayəndəsi Ömər Narvaez ilə üz-üzə gəldi. Gərgin idman mübarizəsi şəraitində baş tutan görüşdə Ağası Ağagüloğlu rəqibinə 5:6 hesabı ilə məğlub oldu və Dünya Çempionatında mübarizəsini dayandırdı.

1998

Ağası Ağagüloğlunun növbəti turniri 1998-ci ilin 16-24 mayında Belarusda baş tutan Avropa Çempionatı oldu. Turnirin 1/8 final mərhələsində Ağası Ağagüloğlu İspaniya nümayəndəsi Gregorio Perez Ximenez ilə üz-üzə gəldi. Mayın 18-də baş tutan görüşdə Ağası Ağagüloğlu rəqibi üzərində 10:4 hesabı ilə qələbə qazandı və turnirin 1/4 final mərhələsinə adladı. Bu mərhələdə isə onun rəqibi Ujrayna nümayəndəsi Vladimir Sidorenxo oldu. Gərgin idman mübarizəsi şəraitində baş tutan görüşdə Ağası Ağagüloğlu rəqibinə 4:5 hesabı ilə məğlub oldu və Avropa Çempionatını beşinci pillədə başa vurdu.

1999

1999-cu ilin 20-28 avqustunda Ağası Ağagüloğlu növbəti dəfə Dünya Çempionatında mübarizə apardı. 2 il əvvəl uğursuzluqla üzləşən Ağası Ağagüloğlu bu səfər də turnirin birinci görüşündəcə məğlub oldu. Birləşmiş Ştatların Hyuston şəhərində baş tutan turnirin 1/8 final mərhələsində Ağası Ağagüloğlu Rumıniya nümayəndəsi Krinu Raisu Olteanuya 0:1 hesabı ilə məğlub oldu və Dünya Çempionatında mübarizəsini dayandırdı.

Uğurları

Sıra	İl	Yarış	Şəhər	Nəticə
1	1997	Dünya Çempionatı	Macarıstan	PAT
2	1998	Avropa Çempionatı	Belarus	5.
3	1999	Dünya Çempionatı	ABŞ	PAT
4	2000	Avropa Çempionatı	Finlandiya	1.
5	2000	Olimpiya Oyunları	Avstraliya	5.
6	2001	Aralıq Dənizi Oyunları	Tunis	1.
7		Dünya Çempionatı	Şimali İrlandiya	2.
8	2002	Avropa Çempionatı	Rusiya	PAT
9	2003	Dünya Çempionatı	Tailand	1.
10	2004	Avropa Çempionatı	Pula	PAT
11		Olimpiya Oyunları	Yunanıstan	3.

Həmçinin bax

• Azərbaycan 2000 Yay Olimpiya Oyunlarında
• Azərbaycan 2004 Yay Olimpiya Oyunlarında