Ağgöl Dövlət Təbiət Qoruğu

Ağgöl Dövlət Təbiət Qoruğu -1978-ci ilin 2 mart tarixində gölün 4400 hektara bərabər olan su ərazisinə ciddi qorunma statusu verilmiş və Ağgöl Dövlət Təbiət Qoruğu yaradılmışdır. 2003-cü ilin 5 iyul tarixində Azərbaycan Respublikası Prezidentinin 1298 saylı sərəncamı ilə Ağ göl Dövlət Təbiət Qoruğunun sahəsi 17924 hektara qədər artırılmış və Milli Parkın ərazisi yalnız bataqlıqlar deyil, həmçinin tipik-çöl və yarımsəhra landşaftlarından ibarət olmuşdur.

Ağgöl Dövlət Təbiət Qoruğu
Yaradılma tarixi	1978, 2 mart
İdarəetmə orqanı	AETSN
Göl	Ağgöl
Meşə	Tuqay
Faunası	canavar, qunduz, tülkü, porsuq, dovşan, qaşqaldaq, sultan toyuğu, turac, bəzgək, qızılqaz, qırmızıdöş qazlar
Yerləşməsi
40°00′ şm. e. 47°39′ ş. u.
Ölkə	Azərbaycan
Rayon	Ağcabədi
Yerləşməsi	Kür-Araz Ovalığının Mil Düzənliyi
Yaxın şəhər	Ağcabədi və Beyləqan
Ağgöl Milli Parkı
Ağgöl Dövlət Təbiət Qoruğu
Ağgöl Dövlət Təbiət Qoruğu

Qoruğun ümumi sahəsinin 2,1 ha-nı (40,6 %) təmiz su sahəsi, 2,26 min ha-nı (43,6 %) qamış cəngəllikləri, 20 ha-nı (0, 38 %) adalar təşkil edir.

İqlimi

Buranın yayı quraq keçən yarımsəhra və quq çöllərin mülayim – isti iqlim tipi hakimdir. Burada günəş radiaiyasının illik miqdarı 131, radiasiya balansı isə 45 kkal/kv.sm –dir. Havanın orta illik temperaturu 14 dərəcəyə çatır. Yağıntının illik miqdarı 330 mm-dən artıq deyildir. Buradakı iqlim şəraiti ərazidəki quşların və məməli heyvanların xeyli miqdarda məskunlaşması üçün optimal şərait yaratmşdır.

Ümumi sahənin çoxunu Ağgöl təşkil edir. Ağgöl öz sahəsinə görə respublikanın ən böyük göllərindən biridir. Maksimum dərinliyi 1,5 – 2 m, orta dərinliyi isə 0,8 m-dir. Yayın sonuna qədər gölün suyu xeyli zalır və dərinliyi 20–25 sm-ə çatır.

Bitki örtüyü

Ərazidə yarımsəhra, şorlaşmış torpaq və göl şəraitinə uyğunlaşmış bitki örtüyü səciyyəvidir. Ərazidə 30-a qədər bitki növünə rast gəlinir.

Ağgöl Dövlət Təbiət Qoruğunun ərazisində əsasən çimli-bataqlıq, boz-çəmən torpaqlar yayılmışdır. Göldən uzaqlaşdıqca torpaqların tip və yarımtiplərinin, onların fiziki xüsusiyyətlərinin dəyişilməsi aydın nəzərə çarpır. Yovşanlı, şoranotlu, efemerli bitkilər inkişaf edir. Onar ərazidə müəyyən heyvan və quşların məskunlaşmasında müsbət rol oynayır.

Heyvanat aləmi

Heyvanlar aləmi qızılqaz, boz, qaşqa, qırmızıdöş qazlar və s. ilə yanaşı enli burun, qırmızıdimdik, qızılbaş və digər ilə zəngindir. Həmçinin burada qaşqaldaq, sultan toyuğu, turac, bəzgək, çobanaldadan quşları da yaşayır. Ağgöl Dövlət Təbiət Qoruğunda yayılmış məməli heyvanlarda canavar, qunduz, tülkü, porsuq, dovşan və s. olur. Eləcə də çəki, naxa, sıf və digər balıq növləri də vardır.

Həmçinin bax

• Ağgöl Milli Parkı
• Ağgöl bələdiyyəsi
• Ağ göl

Xarici keçidlər

• Ağgöl Milli Parkı