Abubakr Abakarov

Abubakr Abakarov (28 yanvar 1999, Xasavyurd, Dağıstan) — 2008-2014-cü illərdə Rusiya, 2014-cü ildən isə Azərbaycanı təmsil edən sərbəst güləşçi.

Abubakr Abakarov
Abubakr Abakarov 2021-ci il Dünya Çempionatında
Şəxsi məlumatlar
Tam adı	Abubakr İslambəyoviç Abakarov
Vətəndaşlığı	Rusiya → Azərbaycan
Doğum tarixi	28 yanvar 1999
Doğum yeri	Xasavyurt, Rusiya
Boyu	185 sm. (6 ft 1 in)
İdman növü	Güləş
Karyera illəri	2008—
Məşqçisi	Zəlimxan Hüseynov
Medallar Azərbaycan üçün Dünya Çempionatı Bürünc 2021 Oslo 86 Kq. Avropa Çempionatı Gümüş 2022 Budapeşt 86 Kq. Bürünc 2023 Zaqreb 86 Kq.

Karyerası

Abubakr Abakarov 2014-cü ildə Belarusda A. Medvedin xatirəsinə həsr olunan beynəlxalq turnirdə mübarizə apardı və turniri 8-ci pillədə başa vurdu. 2016-cı ildə Azərbaycan Güləş Federasiyası (AGF) Abubakr Abakarovu Azərbaycan yığmasına dəvət elədi. Abubakr Abakarov bu dəvəti qəbul elədi və 2016-cı ildən Azərbaycan bayrağı altında beynəlxalq turnirlərdə mübarizə aparmağa başladı.

Abubakr Abakarov 2016-cı ilin iyulunda İsveçdə baş tutan yeniyetmələr arasında Avropa Çempionatının bürünc, sentyabrında Gürcüstanda baş tutan yeniyetmələr arasında Dünya Çempionatının isə qızıl medalına sahib oldu.

2017-ci ildə Abubakr Abakarov Dortmund şəhərində (Almaniya) gənclər arasında Avropa Çempionatında mübarizə aparsa da, turniri 18 idmançı sırasında 10-cu pillədə başa vurdu.

Daha sonra Abubakr Abakarov 2018-ci ildə Trnava şəhərində gənclər arasında Dünya Çempionatının gümüş medalına sahib oldu, Budapeşt şəhərində baş tutan Dünya Çempionatını isə 8-ci pillədə başa vurdu.

Abubakr Abakarov 2019-cu ilin iyununda İspaniyada baş tutan gənclər arasında Avropa Çempionatının qalibi oldu, avqustunda Estoniyada baş tutan gənclər arasında Dünya Çempionatının isə bürünc medalına sahib oldu. Beynəlxalq turnirlərində — İstanbul şəhərində Yaşar Doğu Turniri beşinci pillədə, Saxa vilayətində isə D. Korin Turnirini isə gümüş medalla başa vurdu. İlin sonunda isə Abubakr Abakarov Budapeşt şəhərində (Macarıstan) baş tutan U23 Dünya Çempionatının gümüş medalına sahib oldu.

2020-ci ildə Abubakr Abakarov İstanbul şəhərində Yaşar Doğu Turnirinin qalibi oldu, İtaliyanın Roma şəhərində baş tutan Avropa Çempionatını isə 8-ci pillədə başa vurdu.

2021-ci ildə Abubakr Abakarov yanvarda Nitsa şəhərində (Fransa) Fransa Qran-Prisinin bürünc medalla, martda Budapeşt şəhərində (Macarıstan) Avropa Olimpiya Təsnifat Turnirini beşinci pillədə, mayda isə Sofiya şəhərində (Bolqarıstan) Dünya Olimpiya Təsnifat Turnirini bürünc medalla başa vurdu. Olimpiya lisenziyasına sahib ola bilməyən Abubakr Abakarov ilin sonunda Oslo şəhərində (Norveç) baş tutan Dünya Çempionatının bürünc medalına sahib oldu.

2022-ci ilin əvvəlində Abubakr Abakarov D. Kolov — N. Petrov beynəlxalq turnirinin və U23 Avropa Çempionatının qalibi oldu. Martda isə Abubakr Abakarov Budapeşt şəhərində (Macarıstan) baş tutan Avropa Çempionatının final görüşündə məğlub oldu və turniri gümüş medalla başa vurdu. Daha sonra Roma şəhərində Matteo Pellicone Turnirinin gümüş, Konya şəhərində V İslam Həmrəyliyi Oyunlarını isə qızıl medalına sahib olan Abubakr Abakarov ilin sonunda Belqrad şəhərində (Serbiya) baş tutan Dünya Çempionatını 11-ci pillədə başa vurdu.

Abubakr Abakarov 2023-cü ilin əvvəlində uğursuz çıxış edib — Zaqreb şəhərində (Xorvatiya) Zagreb Open beynəlxalq turnirini və Sofiya şəhərində (Bolqarıstan) D. Kolov — N. Petrov beynəlxalq turnirini beşinci pillədə başa vurdu. Apreldə isə Abubakr Abakarov Zaqreb şəhərində baş tutan Avropa Çempionatının bürünc medal uğrunda görüşündə qələbə qazanaraq turnirin bürünc medalına sahib oldu. İyunda Qırğızıstanda beynəlxalq turnirin gümüş medalına sahib olan Abubakr Abakarov jəmin ilin sentyabrında Serbiyada baş tutan Dünya Çempionatının 1/8 final mərhələsi zamanı zədələndi və turnirdə mübarizəsini başa vurdu.

Nəticələri

Sıra	İl	Yarış	Ev sahibi	Nəticə
Rusiya
1	2014	A. Medved Turniri	Belarus	8.
Azərbaycan
2	2016	Yeniyetmələrin Avropa Çempionatı	İsveç	3.
3		Yeniyetmələrin Dünya Çempionatı	Gürcüstan	1.
4	2017	Gənclərin Avropa Çempionatı	Almaniya	10.
5	2018	Gənclərin Dünya Çempionatı	Slovakiya	2.
6		Dünya Çempionatı	Macarıstan	8.
7	2019	Gənclərin Avropa Çempionatı	İspaniya	1.
8		Yaşar Doğu Turniri	Türkiyə	5.
9		Gənclərin Dünya Çempionatı	Estoniya	3.
10		D. Korin Turniri	Rusiya	2.
11		U23 Dünya Çempionatı	Macarıstan	2.
12	2020	Yaşar Doğu Turniri	Türkiyə	1.
13		Avropa Çempionatı	İtaliya	8.
14	2021	Fransa Qran-Prisi	Fransa	3.
15		Avropa Olimpiya Təsnifat Turniri	Macarıstan	5.
16		Dünya Olimpiya Təsnifat Turniri	Bolqarıstan	3.
17		Dünya Çempionatı	Norveç	3.
18	2022	D. Kolov — N. Petrov Turniri	Bolqarıstan	1.
19		U23 Avropa Çempionatı	Bolqarıstan	1.
20		Avropa Çempionatı	Macarıstan	2.
21		Matteo Pellicone Turniri	İtaliya	1.
22		İslam Həmrəyliyi Oyunları	Türkiyə	2.
23		Dünya Çempionatı	Serbiya	11.
24	2023	Zagreb Open	Xorvatiya	5.
25		D. Kolov — N. Petrov Turniri	Bolqarıstan	5.
26		Avropa Çempionatı	Xorvatiya	3.
27		Vargo Yanos Turniri	Macarıstan	10.
28		Dünya Çempionatı	Serbiya	20.