Adil Qüdrətoğlu
Adil Qüdrətoğlu (tam adı: Adil Qüdrət oğlu Abdullayev; 6 yanvar 1950, Zərdab rayonu, Əlvənd kəndi) — azərbaycanlı yazıçı, publisist, pedaqoq, Azərbaycan Jurnalistlər Birliyinin üzvü (1978), Azərbaycan Yazıçılar Birliyinin üzvü (2008), "Qızıl Qələm" mükafatı laureatı (2007), "Əməkdar mədəniyyət işçisi" (2010),[1] "Gənclik" dövlət nəşriyyatının direktoru (2006-cı ildən), realfakt.az internet media saytının təsisçisi (2012) və baş redaktoru.[1][2][3][4]
| Adil Qüdrətoğlu | |
|---|---|
| Adil Qüdrət oğlu Abdullayev | |
 | |
| Doğum tarixi | |
| Doğum yeri | Əlvənd, Zərdab rayonu, Azərbaycan SSR, SSRİ |
| Vətəndaşlığı |
 SSRİ→ Azərbaycan |
| Milliyyəti | azərbaycanlı |
| Fəaliyyəti | yazıçı, naşir, jurnalist, publisist, pedaqoq |
| Janrlar | nəsr, publisistika, elmi tədqiqat |
| realfakt.az | |
Həyatı
redaktəAdil Abdullayev 1950-ci il yanvarın 6-da Azərbaycanda Zərdab rayonunun Əlvənd kəndində müəllim ailəsində anadan olmuşdur. Burada kənd orta məktəbini bitirdikdən sonra uşaq və yeniyetmələr üçün yaradıcılıq təşkilatında baş dəstə rəhbəri kimi əmək fəaliyyətinə başlamışdır (1967–1968).[2][3]
1969–1974-cü illərdə Azərbaycan Dövlət Universitetinin filologiya fakültəsində ali təhsil almışdır. 1974–1976-cı illərdə Əlvənd kənd orta məktəbində müəllimlik etmişdir. Daha sonra, A.Abdullayev, Bakıda 1 saylı mətbəədə mütəxəssis (1977), Azərbaycan Dövlət Nəşriyyatında oxucu, korrektor, kiçik redaktor, redaktor, böyük redaktor (1977–1985), ictimai-siyasi ədəbiyyat redaksiyasında müdir (1986) vəzifəsində işləmişdir.[3]
1986–1988-ci illərdə təhsilini Ali Partiya məktəbində davam etdirmişdir.[3]
2006–2020-ci tədris illərində Azərbaycan Dövlət Mədəniyyət və İncəsənət Universitetinin Kulturologiya fakültəsinin baş müəllimi, o cümlədən Azərbaycan Dövlət Mədəniyyət və İncəsənət Universitetinin mətbu orqanı olan "Sənət dünyası" qəzetinin baş redaktoru olmuşdur.[5]
1998–2006-cı illərdə "Gənclik" dövlət nəşriyyatında direktor müavini vəzifəsində çalışmışdır. 2006-cı ildən hal-hazırkı dövrədək "Gənclik" dövlət nəşriyyatının direktorudur.[2][3]
Evlidir, iki övladı var.
Yaradıcılığı
redaktəBədii yaradıcılığa kiçik yaşlarından başlamışdır. İlk əsəri 1960-cı ildə "Pambıqçı" rayon qəzetində işıq üzü görmüşdür. Bundan başqa, o, dövri mətbuatda hekayə, oçerk və məqalələrlə çıxış etmişdir. Uşaqlar üçün bir sıra maraqlı kitablar onun tərtibi, ön sözü ilə kütləvi tirajla nəşr olunmuşdur. Həmçinin o, bir sıra dərslik, dərs vəsaiti, tədris proqramı, monoqrafiya və sairə elmi əsərlərin də müəllifidir.
Seçilmiş əsərləri
redaktə- Zərdabi yurdunun övladları (oçerklər toplusu). Bakı: Azərnəşr, 2002, 244 s.[2]
- İlk milli mətbuatımız. Bakı: Gənclik, 2004, 104 s.[3]
- Qonağı yola ver (hekayələr). Bakı: Gənclik, 2004, 240 s.[2]
- Sehrli üzük. Bakı: Maarif, 2007, 64 s.[3]
- 1001 sual, 1001 cavab. Bakı: Maarif, 2007, 88 s.[2]
- Balalara töhfələr. Bakı: Gənclik, 2007, 144 s.[3]
- Hikmət çələngi. Bakı: Gənclik, 2008, 176 s.[2]
- Kişi sözü. Bakı: Gənclik, 2009, 296 s.[3]
- Abdullayev A., Sadıq İ. Azərbaycanda nəşriyyat tarixi: dərslik. Bakı: Gənclik, 2015, 424 s.[6]
- Kitabşünaslıq: nəşriyyat işinin əsasları və təşkili: monoqrafiya. Bakı: Maarif, 2016, 214 s.[7]
İstinadlar
redaktə- ↑ 1 2 ""Azərbaycan Respublikasının mətbuat işçilərinə fəxri adların verilməsi haqqında" AZƏRBAYCAN RESPUBLİKASI PREZİDENTİNİN SƏRƏNCAMI. Bakı şəhəri, 21 iyul 2010-cu il". 2021-09-18 tarixində arxivləşdirilib. İstifadə tarixi: 2021-06-14.
- ↑ 1 2 3 4 5 6 7 "2020-ci il üçün əlamətdar və tarixi günlər təqvimi. Firudin bəy Köçərli adına Respublika Uşaq Kitabxanası" (PDF). 2021-06-14 tarixində arxivləşdirilib (PDF). İstifadə tarixi: 2021-06-14.
- ↑ 1 2 3 4 5 6 7 8 9 "Əhmədov T.Ə. Azərbaycan yazıçıları: XX–XXI yüzillikdə ensiklopedik məlumat kitabı. Bakı: Nurlar, 2011, 1056 s." 2021-09-23 tarixində arxivləşdirilib. İstifadə tarixi: 2021-06-14.
- ↑ "AZƏRBAYCAN YAZIÇILARI. Azərbaycan Dövlət Tərcümə Mərkəzi". 2022-08-02 tarixində arxivləşdirilib. İstifadə tarixi: 2021-06-14.
- ↑ ""Sənət dünyası" qəzeti. Azərbaycan Dövlət Mədəniyyət və İncəsənət Universitetinin mətbu orqanı. Baş redaktor: Adil Abdullayev". 2022-08-10 tarixində arxivləşdirilib. İstifadə tarixi: 2021-06-14.
- ↑ "A.Abdullayev, İ.Sadıq (2015). Azərbaycanda nəşriyyat tarixi: dərslik /A.Abdullayev, İ.Sadıq; elmi red. A.İ.Əliyeva-Kəngərli; red.: dos. Q.Abdullayeva; Azərbaycan Respublikası Təhsil Nazirliyi, Azərbaycan Dövlət Mədəniyyət və İncəsənət Universiteti. Bakı: Gənclik, 2015, 424 s." 2021-09-23 tarixində arxivləşdirilib. İstifadə tarixi: 2021-06-14.
- ↑ "Kitabşünaslıq: nəşriyyat işinin əsasları və təşkili: monoqrafiya / A.Abdullayev; elmi red.: prof. G.Əliyeva-Kəngərli; red.: dos. Q.Abdullayeva. Bakı: Maarif, 2016, 214 s." 2021-09-23 tarixində arxivləşdirilib. İstifadə tarixi: 2021-06-14.