Anagirayabənzər qızılıakasiya

Anagirayabənzər qızılıakasiya
Anagirayabənzər qızılıakasiya
Elmi təsnifat
	Domen: Eukariotlar Klad: Diaphoretickes Ranqsız: Arxeplastidlər Aləm: Bitkilər Klad: Streptophyta Klad: Embryophytes Klad: Polysporangiophytes Klad: Tracheophytes Klad: Toxumlu bitkilər Klad: Çiçəkli bitkilər Klad: Eudicots Klad: Core eudicots Klad: Superrosids Klad: Rosids Klad: Fabids Dəstə: Paxlaçiçəklilər Fəsilə: Paxlakimilər Yarımfəsilə: Faboideae Klad: Meso-Papilionoideae Klad: Genistoids Klad: Core Genistoids Triba: Genisteae Cins: Qızılıakasiya ???: Anagirayabənzər qızılıakasiya
Beynəlxalq elmi adı
	Laburnum anagyroides Medik.;
ITIS	26761
NCBI	49828
EOL	703960

Anagirayabənzər qızılıakasiya (lat. Laburnum anagyroides)^[1] — qızılıakasiya cinsinə aid bitki növü.^[2]

Sinonim redaktə

Cytisus laburnum L.
- Laburnum anagyroides subsp. alschingeri (Vis.) Hayek
- Laburnum anagyroides subsp. anagyroides
- Laburnum anagyroides subsp. jacquinianum (Wettst.) Hayek
Laburnum vulgare J.Presl^[3]

Təbii yayılması redaktə

Cənubi və Qərbi Avropada, Kiçik Asiyada bitir. Fransadan-Balkana qədər olan ərazilərdə yayılmışdır.

Botaniki təsviri redaktə

5–7 m hündürlükdə, boz-yaşıl və ya boz-qonur rəngli sallanan budaqları olan ağac və ya koldur. Cavan budaqları və çiçək zoğları gümüşü tükcüklərlə örtülüdür. Yarpaqları üçər olub, uzunsaplaqlı, yarpaqcıqları uzunsov-ellipsvari və ya tərs- yumurtavaridir, 3–8 sm uzunluqda, 1,5–3 sm enində, yarpaq ayasının üst səthi çılpaq, alt səthi gümüşü, xırda tükcüklüdür. Yarpaqlaması çiçəkləmə ilə eyni vaxta təsadüf edir. Çiçəkləri qızılı-sarı rəngdə olub, 17–25 mm uzunluqda, gümüşü tükcüklərlə örtülmüş saplağa malikdir, uzunluğu 10–20 sm olan salxım çiçək qrupunda yığılmışdır. Kasacığı düzgün olmayan zəngvaridir. Aprel-may aylarında çiçəkləyir, meyvələri avqustda yetişir. Paxlası 5–8 sm uzunluqda, 8–9 mm enində, üst tərəfdən gümüşü, tükcüklü, qalın tikişə malik, toxumları qara, avqustda yetişir. Abşeronda kütləvi çiçəkləməsi üçün suvarılmalıdır. Meyvəsi zəhərlidir.

Ekologiyası redaktə

Torpağa tələbkar deyildir. İşıqsevəndir. Şaxtaya davamlıdır, sərt şaxtalarda cavan çətirləri donur, yazda isə bərpa olunur. Küləkdən qorunan sahələrdə əkilir.

Azərbaycanda yayılması redaktə

Bakı, Gəncə, Sumqayıt və digər şəhərlərdə yaşıllıqlarda təsadüf olunur.

İstifadəsi redaktə

Tək əkinlərdə, yol kənarlarında istifadəsi məqsədyönlüdür.

İstinadlar redaktə

↑ Nurəddin Əliyev. Azərbaycanın dərman bitkiləri və fitoterapiya. Bakı, Elm, 1998.
↑ Elşad Qurbanov. Ali bitkilərin sistematikası, Bakı, 2009.
↑ Anagirayabənzər qızılıakasiya:''The Plant List saytında takson barədə məlumat. (ing.)

Ədəbiyyat redaktə

Tofiq Məmmədov, Elman İsgəndər, Tariyel Talıbov. Azərbaycanın nadir ağac və kol bitkiləri. Bakı: Elm, 2014, 380 səh.

[1] Nurəddin Əliyev. Azərbaycanın dərman bitkiləri və fitoterapiya. Bakı, Elm, 1998.

[2] Elşad Qurbanov. Ali bitkilərin sistematikası, Bakı, 2009.

[3] Anagirayabənzər qızılıakasiya:''The Plant List saytında takson barədə məlumat. (ing.)

[1]

[2]

[3]