Anna Qutsol
Anna Vasilyevna Qutsol (ukr. Гуцол Ганна Василівна ; 16 oktyabr 1984, Murmansk[1]) — Ukraynalı feminist, fəal.[2] Femen beynəlxalq qadın hərəkatının təsisçisi və lideri. Patriarxata, diktatura, din və seks-industriyaya qarşı etiraz mitinqlərində yarıçılpaq geyimi ilə diqqət çəkən fəal.[3][4]
| Anna Qutsol | |
|---|---|
| ukr. Ганна Василівна Гуцол | |
 | |
| Şəxsi məlumatlar | |
| Doğum tarixi | 16 oktyabr 1984 (40 yaş) |
| Doğum yeri | |
| Təhsili | |
| Fəaliyyəti | iqtisadçı, insan hüquqları fəalı |
| Dini | İudaizm |
 Vikianbarda əlaqəli mediafayllar | |
Həyatı
redaktəAnna Qutsol 16 oktyabr 1984-cü ildə Murmanskda anadan olub.[2] 1991-ci ildə ailəsi Ukraynaya köçüb.[2]
Qutsol ailəsi ilə birgə Kiyevdə yaşayıb. O, ilk təhsilini də burada alıb. İxtisası iqtisadçıdır. İlk iş addımlarını şou-biznesdə çalışmaqla atıb.
2008-ci ilin aprelində Anna Qutsol Aleksandra Şevçenko və Oksana Şaçko ilə birlikdə qeyri-rəsmi Femen təşkilatını yaradıb. Fəallar əvvəlcə qız tələbələrin problemləri ilə bağlı etirazlar edirdilər. Lakin bir müddət sonra onlar ukraynalı qadınların cinsi istismarına və seks turizminə qarşı etirazlara da başladılar. Əvvəlcə onlar yalnız alt paltarı ilə tədbirlərə qatılaraq özlərinə diqqət çəkirdilər. 2009-cu ilin avqustunda Oksana Şaçko Kiyevdə etiraz əlaməti olaraq ilk dəfə sinəsini açıb. O vaxtdan başlayaraq, Femen fəalları mütəmadi olaraq üstsüz etiraz aksiyası keçirdirlər. Anna Qutsol bu barədə belə danışıb: "Soyunmağımız fahişə olduğunuz demək deyil. Bir qadın soyunursa, bu, ona bir şey olduğunu göstərir, bu, bir şey üçün lazım olduğunu göstərir. Bu etirazın qədim ənənəsidir. Bu, ən güclü, emosional etirazdır və eyni zamanda zorakılıqdan uzaqdır".
Anna Qutsol Ukraynadan başqa Belarus və Rusiyada keçirilən aksiyalarda iştirak edib. 2011-ci ilin sonunda Femen fəalları beynəlxalq səviyyədə aksiya keçirmək qərarına gəliblər. Bu məqsədlə onlar Avropa turnesinə çıxıb. Avropa turnesi İsveçrənin Lya-Şo-de-Fon şəhərindn başlayıb Burada onlar ilk dəfə 31 oktyabr 2011-ci ildə Beynəlxalq Valyuta Fondunun o vaxtkı, sədri Dominik Strauss-Kana qarşı aksiya keçiriblər. Qutsol aksiyada şəxsən iştirak etməsə də, onun əsas təşkilatçısı olub.[5]
16 noyabr 2012-ci ildə Anna Qutsol Sankt-Peterburq hava limanında saxlanılıb.[6] Qutsola qarşı heç bir ittiham irəli sürülmədən Rusiyadan deportasiya edilib. O, Rusiya ərazisində persona non-qrata elan olunub və ona ölkəyə giriş qadağan edilib.[7]
Anna Qutsol Ukraynada ona göstərilən təzyiq səbəbindən vətənini tərk etmək məcburiyyətində qalıb. O, 2013-cü ildə İsveçrəyə gedib ordan siyasi sığınacaq istəyib. Lakin İsveçrə hökuməti ona rədd cavabı verib. Qutsol daha sonra Fransa hökumətindən siyasi sığınacaq istəyib. 2014-cü ildə o, Fransadan siyasi sığınacaq almağa nail olub. Hazırda Fransada yaşayır və Avropada femen hərəkatının genişlənməsində iştirak edir.
Haqqında kitab
redaktə- Ackerman, Galia, with Anna Hutsol, Oksana Shachko, Alexandra 'Sasha' Shevchenko, & Inna Shevchenko, FEMEN, Published by Calmann-Lévy (Paris 2013), 280 pages. ISBN 978-2702144589. (French language publication)[8]
Filmoqrafiya
redaktəİstinadlar
redaktə- ↑ "Онлайн конференция с Гуцол Анной Васильевной, основательницей и лидером женского движения FEMEN" (rus). РБК-Украина. 2010-07-23. 2011-08-16 tarixində arxivləşdirilib. İstifadə tarixi: 2013-10-04.
- ↑ 1 2 3 Ackerman, Gail (2013), Femen (Calmann-Levy), pp 45, 46. ISBN 978-2-7021-4458-9
- ↑ Jeffrey Tayler. "The Woman Behind Femen's Topless Protest Movement - Jeffrey Tayler". The Atlantic. 2013-03-13. 2013-12-05 tarixində arxivləşdirilib. İstifadə tarixi: 2013-07-15.
- ↑ "FEMEN". FEMEN. 2016-05-20 tarixində arxivləşdirilib. İstifadə tarixi: 2013-09-29.
- ↑ "«FEMEN — спецназ феминистского движения». Интервью Анны Гуцол «Нашей газете» (Швейцария, 2014)". 2024-05-25 tarixində arxivləşdirilib. İstifadə tarixi: 2024-05-25.
- ↑ "Лидер FEMEN задержана в аэропорту Санкт-Петербурга" (rus). Lenta.ru. 2012-11-17. 2012-11-18 tarixində arxivləşdirilib. İstifadə tarixi: 2012-11-17.
- ↑ "Лидера FEMEN выслали из России во Францию" (rus). Українська Служба Бі-Бі-Сі. 2012-11-17. 2013-01-08 tarixində arxivləşdirilib. İstifadə tarixi: 2012-11-17.
- ↑ "Femen Book (2013) | FEMEN / ФЕМЕН". Femen.info. 26 March 2013 tarixində orijinalından arxivləşdirilib. İstifadə tarixi: 6 September 2013.
Xarici keçidlər
redaktə
- Екатерина Пешко. "Лидер Femen Анна Гуцол: «Украинские женщины - проститутки»" (rus). «Главком». 2011-10-03. İstifadə tarixi: 2012-11-17.
- Девушки хотят. Интервью с Анной Гуцол, лидером FEMEN
- «FEMEN — спецназ феминистского движения». Интервью Анны Гуцол «Нашей газете» (Швейцария, 2014)