Artaşes Babalyan
Artaşes Babalyan (erm. Արտաշես Բաբալյան; 17 noyabr 1886[1], Şuşa – 1 avqust 1959[1], Tehran) — erməni siyasətçi, görkəmli dövlət və ictimai xadim, Ermənistan İnqilabi Federasiyasının üzvü, Ermənistan Demokratik Respublikasının sosial müdafiə naziri (31 oktyabr 1919–5 may 1920).
| Artaşes Babalyan | |
|---|---|
 | |
| Şəxsi məlumatlar | |
| Doğum tarixi | 17 noyabr 1886[1] |
| Doğum yeri | |
| Vəfat tarixi | 1 avqust 1959[1] (72 yaşında) |
| Vəfat yeri | |
| Partiya | |
| Təhsili | |
| Fəaliyyəti | həkim, ictimai xadim, siyasətçi |
 Vikianbarda əlaqəli mediafayllar | |
Həyatı
redaktəSankt-Peterburq, Bakı və Xarkovda həkim işləmişdir. Birinci Dünya Müharibəsinin iştirakçısı olmuşdur. Vartan könüllülər alayının baş həkimi vəzifəsini icra edirdi.
1917-ci ildə Ermənistan Demokratik Respublikasının yaranmasında fəal iştirak edirdi. 1917-ci ildə respublikada Milli Məclisin üzvü təyin olundu.
1918-ci il erməni-gürcü müharibəsi zamanı iddia edirdi ki, erməni ordusunun Tiflisə çatmaq və orada yığılan bütün problemləri həll etmək üçün kifayət qədər qüvvələri var.
1920-ci il avqustun 10-da Arşak Camalyan ilə birlikdə Tiflisdə RSFSR-in elçisi bolşevik Boris Leqranla, Zəngəzur, Qarabağ və Naxçıvan bölgələrinin ərazilərini Qırmızı Ordu tərəfindən işğalı, habelə Ermənistan Respublikasının müstəqilliyinin tanınması ilə bağlı danışıqlarda iştirak etdi. RSFSR ilə Ermənistan arasında sülh müqaviləsinin bağlanmasında iştirak etmişdir.
1920-ci ilin sentyabr-noyabr aylarında Ermənistan-Türkiyə müharibəsində iştirak etmişdir. Baş nazir Simon Vratsyanın nümayəndəsi kimi Qarsa göndərildi və 30 oktyabrda orada həbs olundu. 1921-ci ildə əsirlikdən azad edildikdən sonra ilk öncə Təbrizə, daha sonra Tehrana yollandı, orada hərbi xəstəxanada işlədi.
1943-cü ilin sentyabr ayında İrana daxil olan Sovet hakimiyyətinin tələbi ilə həbs edildi və 1945-ci ilin iyun ayında azadlığa buraxıldı.
Uzun müddət sürgündə yaşayıb, Tehranda vəfat etdi.
"Ermənistanın müstəqillik tarixinin səhifələri" xatirələrinin müəllifidir (Qahirə, 1959 // "Pages from Armenian independence history", Cairo, 1959).
Mənbə
redaktə- Caucasian review , Issues 8–10. Institut für Erforschung der Geschichte und Kultur der UdSSR. 1959. p. 158.
- Problems of the Peoples of the USSR , Issues 1–12. League for the Liberation of the Peoples of the U.S.S.R. 1958. p. 57.
Xarici keçidlər
redaktə- Artashes Babalyan (ing.)